لاوێ دۊڵەمەڼ و مامۊسا ڕۊحانیەکەش
ئەوەنویستەی: #ئەسعەد ڕەشید#
لاوێ دۊڵەمەڼ لوا لاو مامۊسا ڕۊحانییەکەیش و داواش چەنەکەرد موچیاریش بکەرۊن پەی ئانەی ژیوایێ خاستەرش بژیوۊن.
مامۊسا ڕۊحانیەکەیش بەرد لاو پەنجەرەو هۊڎەکەی
پەرساش: پەشتۆ پەنجەرەکەینە چېش مەوینی؟
لاوەکە ماچۊ: ئاگرڎ خەڵکەیە مەوینو هەکە مەیان و ملان، دلۍ ئا خەڵکەیچەنە سواڵکەرێ کۊریچ مەوینو کە سەرو جادەکەیۆ سواڵە کەرۊن.
دمای ئانەیە مامۊساکە کوڕە لاوەکەش بەرد وەردەمو جامێوە (ئاوېنە)، ماچۊ ئیسە چېش مەوینی؟
ئاڎیچ ماچۊ: وېم مەوینون.
پەرساش: یانی ئیسە خەڵکی تەری نمەوینی؟
پەنجەرەو جام، هەردوۍ جە مادەو شۊشۍ وەشېکریێنۍ، بەڵام جامەکە بە ڕووکەشێ ناسکی زیوین پەشتیش ناویێنە، ئانەیچە پاسشە کەرڎەن هەکە بېجگە وېت هیچ کەسی تەری نەوینی.
مامۊساکەش ماچۊ: ئی دوە چېوە کەجەشوشۍ وەشېکریێنۍ بزانە فەرقشان چېشەن، کاتێ شوشۍ هەژارەنە، خەڵکی تەرۍ مەوینۊو وەشەویسیشان پەی بەرمەوزۊن، بەڵام کاتێ دۊڵەمەڼەنەو بە (زیو)، یام سامان پۊژیێنەرە، تەنیا وېش مەوینۊن.
مادام پاسنەن، ئا ڕووکەشە زیوینە ئینا وەرو چەماماوە، با لاشبەرمۍ، تاکو بتاومۍ گرڎکەسی بۋینمۍ و وەشەویسیش پەی بەرۋزمۍ. ئېمە پەنەوازیمان بە یۊترینییەن، بەبۍ خەڵکاتەری ژیوای هیچ مانێوەش نمەمەنۊ.
عالتەرین کەستان، سوودبەخشتەرینتانەن پەی خەڵکی (پېخامئاوەرو ئیسلامی.د.خ).[1]