خەندان- سۆران کەریم
بەپێی ئامارێکی یەکەی پشکنینی خۆراک لە مەرزی پەرویزخان، لەماوەی مانگی ڕابردوودا، دەستبەسەر زیاتر لە 580 تەن خۆراکی خراپ و نەشیاودا گیراوە.
عومەر محێدین عەبدوڵڵا، لێپرسراوی یەکەی پشکنینی خۆراک لە مەرزی پەروێزخان، بۆ خەندان ڕاگەیاند:" لەماوەی مانگی تەمموز دا، یەکەکەیان پشکنینی بۆ زیاتر لە (55) هەزار تەن خۆراک و خواردەمەنی و کەرەسته و شمەکی جیاواز کردووە، کە ڕێژەیەکیان بەهۆی نەشیاویان و دەرنەچونیان لە پشکنینەکان، دەستیان بەسەردا گیراوە".
وتیشی:" بڕی ئەو خۆراک و شمەکە نەشیاوانە، نزیکەی (587) تەن بوون و جۆرەکانیشیان بریتیی بوون لە: دۆشاوی تەماتە، بابەتەکانی شیرەمەنی، دۆ و ماست، شیرینی و کێک، خوێ، ئایس کرێم و چەند بابەتێکی خۆراکی دیکە".
عومەر محێدین، ئەوەشی خستەروو، ئەو خۆراکە گیراوانە، یان لەناوبراون، یاخود بۆ کۆماری ئیسلامیی ئێران گەڕێنراونەتەوە، ڕونیشیکردەوە: هەموو خۆراکێک کەلە ئێرانەوە دێت، لەلایەن یەکەکەی ئەوانەوە بە سێ ئاست و لەبوارەکانی: فیزیایی، کیمیایی و بەکترۆلۆجیی، پشکنینی بۆ دەکرێت بەمەبەستی دڵنیابوون لە شیاویان.
هێنانی خواردنی خراپ بوو نەشیاو لەلایەن بازرگانەکان بۆ ناوشاری سلێمانی و پارێزگاکانی دیکەی هەرێم هێشتا هەڕەشەن بۆ سەر تەندروستی هاوڵاتیان، سەرباری هەوڵە بەردەوامەکانی لایەنە پەیوەندارەکان، بۆ کۆنترۆڵکردن و بەرگرتن لەهێنانی کەرەسته و خۆراکی خراپ.
- 07-08-2013
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 4,699 جار هاتیە دیتن
ڕایا خو دەربارەی ڤی بابەی بنڤێسە!