خەندان- ڕەهێل سەمەد
لە ماوەی هەفتەیەک سێ کوردی شەبەک لە پارێزگای موسڵ دەکوژرێن و بەرپرسێکی حزبیش ڕایدەگەیەنێت کورد بوون و شیعە بوونیان هۆکاری سەرەکیە بۆ تیرۆرکردنی کوردانی شەبەکە.
سەعید مەموزینی کارگێری لقی 14ی پارتی لە موسڵ بەخەندانی ڕاگەیاند: ئێوارەی ئەمرۆ(12ی کانونی دووەمی 2014) لەناوچەی (سوق الغنم)شاری موسڵ کوردێکی شەبەک بەدەمانچەی بێدەنگ دەکوژرێت.
وتیشی: لەماوەی یەک هەفتەی ڕابردوو سێ کوردی شەبەک بەمجۆرە دەکوژرێن، کە هۆکاری سەرەکی ئەو تیرۆرکردنە بۆ کوردن و شیعە بوونیان دەگەرێتەوە.
سەعید مەموزینی ڕاشیگەیاند: لەسنوری پارێزگای موسڵ زیاتر لە 400 هەزار کوردی شەبەک هەیە، بەڵام بەهۆی ئەو بارودۆخەی پارێزگاکە بەشێکی زۆریان ناوشاریان جێهێشتوە و ڕوویان لە ناوچە ئارامەکانی دەوروبەری موسڵ یان شارەکانی هەرێمی کوردستان کردووە.
کارگێرەکەی لقی 14ی پارتی لە موسڵ ئەوەشی خستەروو: هەر ئەمرۆ لە ڕۆژئاوای شاری موسڵ لەئەنجامی تەقینەوەی ئۆتۆمبێلێک حەوت سەربازی سوپای عێراق برینداربوون.
- 12-01-2014
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 6,447 جار هاتیە دیتن
ڕایا خو دەربارەی ڤی بابەی بنڤێسە!