وەزارەتی دارایی و ئابووری حکومەتی هەرێمی کوردستان لەسەر پێدانی مووچەی وەزارەتی ناوخۆ کە لە دوای مووچەی پێشمەرگە نەهاتووە ڕوونکردنەوە دەدات و ڕایدەگەیەنێت بەهۆی ئەوەی مووچەی فەرمانبەرانی وەزارەتی ناوخۆ 150 ملیار دینارە، نەتوانرا دوای وەزارەتی پێشمەرگە دەست بە دابەشکردنی بکرێت، بەڵام لە هەوڵی بەردەوامدان تا پێش جەژن مووچەی ئه و وەزارەتانەش بدەن کە ناویان لە ڕیزبەندی مووچەکەدا نەهاتووە.
بەپێی هەواڵێکی وەزارەتی دارایی و ئابووری حکومەتی هەرێمی کوردستان، تیایدا هاتووە: "پاش بڵاو کردنەوەی خشتەی دابەشکردنی مووچەی مانگی حوزەیرانی ئه و وەزارەت و دەستانەی کە ڕامان گەیاندبوو، دەمانەوێت ئاماژە بەوە بکەین کە دەبوایە وەزارەتی ناوخۆ لە ڕیزبەندی دووەم بوایە لە دوای وەزارەتی پێشمەرگە".
دەسشڵێت: "بەڵام بەهۆی ئەوەی کە وەزارەتی ناوخۆ موچەی مانگانەیان 150 ملیار دینار دەبێت و بەهۆی دابین نەکردنی ئه و بڕە پارەیەوە تەنها توانرا مووچەی ئه و وەزارت و دەستانە دابەشبکرێت کە بە هەموویان بڕەکەیان 98ملیار دینار بووە".
هەروەها هاتووە: "بەڵام وەزارەتی دارایی هەرێم لە هەوڵی جدی دایە لە ڕێگەی وەزارەتی سامانە سروشتیەکانەوە مووچەی ئه و وەزارەتانەی کە ئاماژەمان پێ نەکردبوو بۆیان دابین بکرێت، تا بتوانرێت پێش جەژن مووچەکانیان وەربگرن، کە مانگانە مووچەی گشت فەرمانبەرانی حکومەتی هەرێمی کوردستان بڕەکەی دەگاتە 850 ملیار دینار".
- 17-07-2014
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 5,608 جار هاتیە دیتن
ڕایا خو دەربارەی ڤی بابەی بنڤێسە!