ژمارەی ئەو کەسانەی بەهۆی هێرشەکانی گرووپی داعش و شەڕ لە کۆبانێ ئاوارەی تورکیا بوون گەیشتە 173 هەزار کەس، کۆچی خەڵکی کۆبانێ بۆ شارەکانی تورکیا کە مانگێکە دەستیپێکردووە، تا چەند ڕۆژێک پێش ئێستا بەردەوامبوو و ئاوارەکان لە شارە سنوورییەکان نیشتەجێبوون.
هاوکات بەرپرسانی دەزگای فریاکەوتنی لەناکاو، لە وڵاتی تورکیا ڕایدەگەیێنن کە هەرچی لەدەستتیان بێت بۆ ئاوارەکان دەیکەن، ئەمەش لە کاتێکدایە کە خەڵکی ئەو شارەی ڕۆژئاوای کوردستان دۆخیان خراپە و پێویستییان بە هاوکاری زیاتر هەیە، بەهۆی گرژی و ئاڵۆزییەکان بەشێوەیەکی گشتی تاوەکو ئێستا ملیۆنێک و 600 هەزار کەس لە سووریاوە ئاوارەی تورکیا بوون.
- 10-10-2014