نەبەرد فوئاد
دەوڵەتی ئیسلامی لە عیراق و شام(داعش) لە بەڵگەنامەیەکدا ئاماژە بە نرخی ئه و کچە و ژن ئێزیدی و مەسیحیانە دەکەن کە ڕفێنراون و لە بازاڕەکانیاندا دەفرۆشرێن.
لە بەڵگەنامەیەکدا کە وێنەیەکی دەست خەندان کەوتووە، تێیدا ئاشکراکراوە کە"پێمانگەیشتووە بازاڕی فرۆشتنی ژنان و شتە دەستبەسەردا گیراوەکان دابەزینی گەورەی بەخۆوە بینووە ئەوەش کاریگەری کردۆتە سەر داهاتی دەوڵەتی ئیسلامی و پارەدارکردنی موجاهیدەکان."
لە درێژەی ئه و بەڵگە نامەیەدا هاتووە"هەربۆیە دەستەی (بیت المال) بڕیاریداوە نرخ لەسەر فرۆشتنی ئه و ژن و شتە دەستبەسەر گیراوانەدا دابنێت دەبێت هەموو کەسێک پابەند بێت پێیەوە هەر کەسێکیش پێچەوانەی ئه و نرخانە بجوڵێتەوە ئەوا لە سێدارە دەدرێت."
نرخەکان:
ژنێکی پێگەیشتوو تەمەنی لە نێوان 30-40 ساڵ بێت (ئێزدی و مەسیحی) نرخەکەی 750 هەزار دینارە
ژنێکی پێگەیشتوو تەمەنی لە نێوان 20-30 ساڵ بێت(ئێزدی و مەسیحی) نرخەکەی 100 هەزار دینارە.
بۆ مێیینەکەی پێگەیشتوو تەمەنی لە نێوان 10-20 ساڵی بێت (ئێزدی و مەسیحی) 150 هەزار دینارە.
ژنێکی پێگەیشتووی تەمەن 40-50 ساڵ(ئێزدی و مەسیحی) نرخەکەی 50 هەزار دینارە.
منداڵی تەمەن یەک ساڵ بۆ نۆ ساڵ (ئێزدی و مەسیحی) نرخەکەی 200 هەزار دینارە.
لە کۆتایی بەڵگەنامەکەدا نوسراوە" ڕێگە نادرێت هیچ کەسێک لە سێ دەستکەوت زیاتر بکڕێت جگە لە بیانیەکان ئەوانەش تورک و سوری و کەنداوییەکانن.
پێشتر، بەرپرسێکی ئەمنی لە پارێزگای کەرکووک بە بێ ئەوەی ناوەکەی ئاشکرا بکرێت ڕایدەگەێنێت"والی دادگای شەرعی داعش لە حەویجە کە دەکەوێتە باشوری خۆرئاوای کەرکووکەوە سەقفی شیربایی دیاریکردووە."
ئەو بەرپرسە ڕوونیشیکردۆتەوە"والی دادگاکەی داعش سەقفی شیربایی کردۆتە یەک ملیۆن و 500 هەزار دیناری عیراقی.هەر کەسێکیش لەو پارەیە زیاتر وەر بگرێت ئەوا 30 جار جەڵد دەدرێت."
- 03-11-2014