رەڤەند گوهەرزی
ئەمڕۆ سێشەممە، لە کۆنگرەیەکی ڕۆژنامەوانیدا بەڕێوەبەرایەتی هاتوچۆ لە پارێزگای دهۆک ئاماری ڕووداوەکانی ساڵی 2014 ڕاگەیاند، سێ هەزار 988 کەس بریندار بوون و زیاتر لە 25 هەزار مۆڵەتی شۆفێریش بە هاوڵاتیان داون.
رائیدی مافپەروەر، ئازاد تەها، بەرپرسی بەشی ڕاگەیاندن لە بەڕێوەبەرایەتی هاتوچۆی پارێزگای دهۆک، بە خەندانی ڕاگەیاند: "لە سنووری پارێزگای دهۆک هەزار و 132 ڕووداوی هاتوچۆ ڕویداوە و سێ هەزار و 988 کەس برینداربوون و 183 کەسیش گیانیان لە دەستداوە".
ئازاد تەها وتیشی: "لە ماوەی دوازدە مانگی ڕابردوودا لە بەرێوەبەرایەتی هاتوچۆی پارێزگای دهۆک 19 هەزار و 935 ئۆتۆمبێلی جۆراو جۆر تۆمارکراون".
ئاماژە بەوەشکرد: "لە بەڕێوەبەرایەتی هاتوچۆی پارێزگای دهۆک 25 هەزار و 204 مۆڵەتی لێخۆڕینی ئۆتۆمبێل بە هاوڵاتیان داوە و لە ناویاندا دوو هەزار و 55 مۆڵەت بە ژنان دراوە".
بەرپرسی بەشی ڕاگەیاندن لە بەڕێوەبەرایەتی هاتوچۆی پارێزگای دهۆک، ئەوشی خستەروو: "ئه و سەرپێچیانەی کەلە لایەن کامێرای چاودێریەوە تۆماکراون 315040 سەرپێچین و 64141 ئۆتۆمبێل غەرامەکراون".
- 30-12-2014
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 7,778 جار هاتیە دیتن
ڕایا خو دەربارەی ڤی بابەی بنڤێسە!