حکومەتی هەرێمی کوردستان، تاوانە تیرۆریستیەکانی حەسەکە ڕسوا دەکات
بە توندی ئه و هێرشە تیرۆریستیانە ڕسوا و شەرمەزار دەکەین کە دوێنێ لە کاتێکدا کوردستانیان لە شاری حەسەکە، خەریکی بەڕێوەبردنی ڕێوڕەسمی پیرۆزکردنی جەژنی نەورۆز بوون و ئاهەنگیان بۆ ئاشتی و پێکەوەژیان دەگێڕا، کرانە سەر ئاهەنگگێڕان و زۆر بە داخەوە لە ئەنجامی ئه و دوو هێرشە تیرۆرستییە خۆکوژیەدا، ژمارەیەک هاوڵاتی شەهید و بریندار بوون. وێڕای سەرەخۆشیمان بۆ کەسوکاری شەهیدان و هیوای چاکبوونەوە بۆ برینداران، دووپاتی دەکەینەوە کە تیرۆر و تۆقاندن و تاوانە وەحشیگەرییەکانی تیرۆرستان، گەلی کوردستان لە هەوڵ و خەباتی خۆی لەپێناو ئاشتی و ئازادی و گەیشتنی بە هەموو مافە ڕەواکانی سارد ناکاتەوە، بە پێچەوانەوە کوردستانیان بۆ هەوڵ و خەبات و تێکۆشانی زیاتر و بەجۆشتر هان دەدات. سەرکەوتن بۆ پەیامی نەورۆز و شاد بێت گیانی شەهیدان.
ئەنجومەنی وەزیرانی هەرێمی کوردستان
21-3-2015
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 1,471 جار هاتیە دیتن
ڕایا خو دەربارەی ڤی بابەی بنڤێسە!