لەماوەی سێ ڕۆژی ڕابردوودا هیچ تاوانێکی گەورە لە شاری سلێمانی تۆمار نەکراوە، هێزەکانی پۆلیسیش توانیویانە تەواوی ئه و پلانە جێبەجێ بکەن کە دایانڕشتبوو بۆ پاراستنی سەروماڵی هاوڵاتیان لە جەژنی نەورۆزدا.
سەرکەوت ئەحمەد وتەبێژی پۆلیسی سلێمانی بە خەندانی ڕاگەیاند" لەماوەی سێ ڕۆژی ڕابردوودا، تەواوی هێزەکانی پۆلیس لە حاڵەتی ئامادە باشیدابوون بۆ پاراستنی ئارامی شاری سلێمانی و توانیومانە ئه و پلانەی بۆ پاراستنی هاوڵاتیان دامانڕشتبوو بە تەواوی جێبەجێی بکەین."
لە بارەی ئاماری ڕووداوەکانیشەوە وتەبێژی پۆلیسی سلێمانی ڕایگەیاند" لەماوەی سێ ڕۆژی ڕابردوودا، چوار حاڵەتی شەڕکردنی گەنجان لە شاری سلێمانی تۆمارکراوە، لەگەڵ یەک حاڵەتی دزیکردن و هیچ تاوانێکی گەورەش له و ماوەیەدا ئەنجام نەدراوە."
ئاماژەی بۆ ئەوەشکرد، هێزەکانی پۆلیس توانیویانە دەست بەسەر 32 ماتۆڕسکیلدا بگرن کە هیچ سەرەتایەکیان نەبووه و بوونەتە هۆی بێزارکردنی هاوڵاتیان لە شوێنە گشتیەکاندا.
- 22-03-2015
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 2,880 جار هاتیە دیتن
ڕایا خو دەربارەی ڤی بابەی بنڤێسە!