چاڕەنوسی دیل و بێسەرو شوێنکراوانی شەڕی ناوخۆی کوردستان لە یادی تێپەڕبونی 21 ساڵەی ئەو شەڕەدا ئاشکرا کران و هەموو ئومێدی کەس و کاری قوربانییەکان و مرۆڤ دۆستان بۆ مانەوەی ئەوان لەژیاندا ، لەناو بران کە ژمارەی کوژراوانی ئەم تاوانە بە گوێرەی ئامارە نا فەرمیەکان زیاتر لە 12 هەزار کەسە و زیاتر لە 400 کەسیش بێ سەروشوێنن!!
ئێمە وەک ڕێکخراوی چاودێری کوردۆساید _ چاک وێرای ئیدانەکردنی بێباکی کابینەکانی حکومەتی هەرێمی کوردستان لەبەرامبەر خەمساردی نواندنیان و دەستی بەدەستی کردنی کەس و کارەکانیان لە مەڕ چارەنوسی قوربانیەکان و دیلەکانی شەڕی ناوخۆ لە ماوەی 21 ساڵی ڕابردودا، سوربونی خۆمان لەسەر هەڵوسێتەکانمان دوپات دەکەینەوە بۆ دادگای کردنی تاوانبارانی شەڕی ناوخۆ لەداگایەکی دادپەروەرانە و سەربەخۆدا، چونکە لە پشتی هەڵگیرسانی شەڕی ناوخۆی حیزبەکوردیەکاند لەدوای ڕاپەرینی بەهاری ساڵی 1991 ، چەندین تاوانبا ڕهەیە کەدەبێت بەتاوانباری جەنگ و پشتگیرکردن لە کوشتنی خەڵکی کوردستان بدرێنەدادگا و مافی تاوانەکانی خۆیان وەربگرن.
ڕبَکخراوی ئێمە لەئاست ئەم کۆمەڵکوژییە بێ دەنگ نابێت و لەهەنگاوی یەکەماندا وەک هەڵوێستێکی شلگێڕانە داوای ئاشکراکردنی شوێنی کوشتن و شاردنەوەکانیان دەکەین و دەبێت کەس و کاری دیل و بێ سەرو شوێنکراوەکان کە ئێستا چارەنوسیان ئاشکرا کراوە، ڕوفاتەکانیان بگەڕێنرێتەوە بۆکەس و کارەکانیان، بۆئەوەی وەک کەس و کاری ئەنفال کراوەکانمان لە چاوەڕوانی ئازیزانیاندا لەوەزیاتر فرمێسکی خوێنین نەڕێژن ؟!
داواکارین لە سەرجەم ڕێکخراوەکانی مافی مرۆڤ و مرۆڤ دۆستان پشتگیریمان بکەن بۆئەوەی ئەم تاوانە قیزەونانەی پارتە بەشەڕهاتووەکان فەرامۆش نەکەین و ڕێگە نەدەین جارێکی تر کورد بەدەستی کورد ئەنفال بکرێتەوە و بەکۆمەڵ بیان شارننەوە.
رێکخراوی چاودێری کوردۆ ساید –چاک
08-05-2015
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 6,556 جار هاتیە دیتن
ڕایا خو دەربارەی ڤی بابەی بنڤێسە!