پارێزگای دێرسیم یەکێکە لە شارە کوردییەکان لە باکووری کوردستان، دەکەوێتە ناوچەی ڕۆژھەڵاتی ئەنادۆڵ. پایتەختەکەی شاری مامەکییە کە ڕووبەرەکەی 7406 کیلۆمەتر دووجایە و ژمارەی دانیشتووانی 84،366 کەسە و ڕێژەی چڕی دانیشتووان 12/کیلۆمەتر دووجایە. دانیشتوانەکەی کوردی عەلەوین کە بە شێوەزاری زازا قسە دەکەن و شارەکەیان بە دێرسیم ناودەبەن، لە شۆڕشی سەید ڕەزا دێرسیمەوە لە ساڵی 1936ەوە ناوەندێکی بەھێزی بزووتنەوەی ناسیۆنالیستی کوردی بووە.
ژمارەی دانیشتووان (2022) سەرجەم: 84،366
زازا، شێوەزارێکی زمانی کوردییە، نزیکە لە شێوەزارەکانی هەورامی، باجەڵان، زەنگەنە، شەبەک، عەبدولمەلیکی مازیندەران، هەمەوەند، کاکەیی،.....هتد کە بڕێ لە پەیجوورکارەکان و گەڕۆکەکان بە زمانی کرمانجی گۆرانی پۆلێنیان دەکەن. دێرسیم ناوەندێکی زیندووی ڕۆشنگەری و زانستییە، مەڵبەندی کوردایەتی و شۆڕشە. بە درێژانیی مێژوو شوێنی یەکەم پریشکەی داگیرسانی شۆڕشە کوردیەکان بووە، لە ئاکامدا خەڵکە شۆڕشگێڕەکە تووشی کومەڵکوژی و ڕەشبەگیری هاتوون.
کۆدی تەلەفۆن: 0392
[1]