رۆژی يەکشەممە ڕێکەوتی 2016/1/3، لەکاتێکدا پارێزەران، يادی ڕۆژی پارێزەرانيان دەکردەوە، تاوانێکی قێزەونی گەورە، دەرحەقی يەکێک لە پارێزەران ئەنجام درا و پارێزەر (ناز سلێمان يەعقوبی) لەلايەن دەستێکی ناديار، دوای ڕفاندنی، بەداخەوە خنکێنراوە، تەنانەت دوور لە هەموو بەهايەکی مرۆڤانە و بێ بەزەييانە، دەم و چاويشی شێوێندراوە.
پارێزەری خوالێخۆشبوو، خاتوونێک بووە، خاوەن ڕەوشتێکی بەرز، زيرەک و لێهاتوو، خۆشەويستی دەوروبەر، لە خێزانێکی ناوداری شاری هەولێرن و جگە لە خۆشەويستيی و تەباييی و مرۆڤدۆستی، هيچ ناکۆکييەکيان لەگەڵ کەس نييە.
بەهەموو پێوەرێک، کوشتنی ئەو خاتوونە بێتاوانە، تاوانێکی گەورەی ناشيرينە و ئەوپەڕی بێدەسەڵاتيی و بێ بەهايی تاوانبارەکەی نيشان دەدات.
بۆيە ئێمە وەکو سەنديکای پارێزەرانی کوردستان، سەرەڕای ئەوەی بەتوندی پرۆتستۆی کوشتتنی پارێزەر (ناز سلێمان يەعقوبی) دەکەين، داواکارين لە گشت دام و دەزگا پەيوەنديدارەکان، کە بە زووترين کات، بەدواداچوونی جيددی بۆ دەستگيرکردنی تاوانبارانی ئەو تاوانە قێزەونە بکەن و بە توندترين سزايان بگەيەنن.
درود بۆ گيانی پاکی پارێزەر خاتوو (ناز)ی گەنجی بێتاوان، داواکارين لە خوای پەروەردەگار، بەهەشتی بەرين دوا مەنزڵگای بێت و هاوبەشی کۆست و خەمناکی ماڵبەتەکەيانين.
سەنديکای پارێزەرانی کوردستان
06-01-2016
ئەڤ بابەت ب زمانا (کوردیی ناوەڕاست - Central Kurdish) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 11,258 جار هاتیە دیتن
ڕایا خو دەربارەی ڤی بابەی بنڤێسە!