دواڕۆژ، دڵشاد ئەحمەد
بەڕێوەبەری گشتی تۆمارکردنی کۆمپانیاکان ئاشکرایدەکات، ژمارەی کۆمپانیاکان لە هەرێمی کوردستان بەپێی ستانداری جیهانی نییە و داواشکراوە ژمارەیان زیادبکرێت.
دڵزار ئیسماعیل، بەڕێوەبەری گشتی تۆمارکردنی کۆمپانیاکان لە وەزارەتی بازرگانی و پیشەسازیی حکومەتی هەرێم لە لێدوانێکدا بە دواڕۆژی ڕاگەیاند لە وڵاتە پیشەسازی و ئابورییەکانی جیهاندا، بوونی کۆمپانیاکان بەپێی ژمارەی دانیشتوانی ئه و وڵاتە دەبێت، ئەوەش وایکردوە کەرتی ئابوریی و پیشەسازیی ئه و وڵاتانە سەربەخۆ بێت و زۆرترین هەلی کاریش بۆ هاوڵاتیانیان فەراهەم بێت.
وتیشی پێشنیارێکمان داوەتە ئەنجومەنی ئابوری کوردستان بۆ ئەوەی لە هەرێمی کوردستانیش سستمێکی له و شێوەیە جێبەجێ بکرێت.
بەپێی ئامارێکی بەڕێوەبەرایەتی تۆمارکردنی کۆمپانیاکان، لە هەرێمی کوردستان 25 هەزار و 449 کۆمپانیا هەن، کە 22 هەزار و 269 کۆمپانیای بیانی و سێ هەزار و 180 کۆمپانیاش ناوخۆیین.
ئه و بەرپرسەی وەزارەتی بازرگانی و پیشەسازی ئاماژەی بۆ ئەوەشکرد، هەروەک پێشنیارمان بۆ ئەنجومەنەکە کردووە کە سیستمی تۆمارکردن و کارکردنی کۆمپانیاکان بکرێتە ئەلیکترۆنی و وەرگرتنی باج و ڕسوماتیشیان لەسەر کەمبکرێتەوە.
04-05-2017
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 5,199 جار هاتیە دیتن
ڕایا خو دەربارەی ڤی بابەی بنڤێسە!