#ڕووداو# - #زاخۆ#
دوای پێنج ڕۆژ لە ونبوونی، تەرمی کچە 16 ساڵانەکەی زاخۆ دۆزرایەوە. #تەندروستی زاخۆ# دەڵێت، دوای پشکنین دەرکەوتووە هیچ شوێنەوارێکی ئەشکەنجەدان و گوللە بە جەستەیەوە نییە.
رۆژی هەینی ڕابردوو (2-6-2017) کچێکی تەمەنی 16 ساڵ بەناوی لینا وەلید لە زاخۆ ونبوو. دوای پێنج ڕۆژ، ئەمڕۆ (7-6-2017) تەرمەکەی لە ناو ئاوی #خابوور# لە نزیک #گوندی چەمشکو# لەلایەن #بەڕێوەبەرایەتیی نەهێشتنی تاوانی زاخۆ# دۆزرایەوە.
ئەمیر عەلی، بەرپرسی ڕاگەیاندنی تەندروستی زاخۆ بە ڕووداوی ڕایگەیاند، لە پزیشکی داد پشکنین بۆ تەرمی کچەکە کراوە و هیچ شوێنەوارێکی ئەشکەنجەدان و گوللە بە جەستەیەوە نییە. دەشڵێت هێشتا ڕوون نییە خۆی خنکاندووە یان خنکاوە.
پێشتریش پۆلیسی زاخۆ دوو کەسی لەسەر ئەو کەیسە وەک گومانلێکراو دەستگیرکردبوون.
وەلید عەباس، باوکی لینا بە تۆڕی میدیایی ڕووداوی ڕاگەیاندبوو، کچەکەی قوتابی بووە و لە قۆناخی ئامادەیی خوێندوویەتی.
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 3,978 جار هاتیە دیتن
ڕایا خو دەربارەی ڤی بابەی بنڤێسە!