بەوتەی بەرپرسانی بەڕێوەبەرایەتی گەشتوگوزاری پارێزگای #هەڵەبجە# بەبەراورد بە جەژنی ڕەمەزانی ساڵی ڕابردوو هاتنی گەشتیاران بۆ ناوچە گەشتیارییەکانی سنوری پارێزگای هەڵەبجە زۆر زیادیکردووە، بەجۆرێک تەنها لەماوەی چوار ڕۆژی ڕابردودا زیاتر لە 20 هەزار گەشتیار هاتونەتە سنورەکە و پێشبینیش دەکەن لە دوو ڕۆژی داهاتودا ئه و ڕێژەیە بۆ زیاتر لە 35 هەزار گەشتیار بەرزبێتەوە.
سەردار عەلی، بەرپرسی بەشی گەشتوگوزار لە بەڕێوەبەرایەتی گەشتوگوزاری هەڵەبجە بەدواڕۆژی ڕاگەیاند: بە بەراورد بە جەژنی ڕەمەزانی ساڵی ڕابردوو هاتنی گەشتیاران لەمساڵدا زیادیکردووە بەجۆرێک لەساڵی ڕابردود تەنها 20 هەزار گەشتیار ڕویان لەناوچەکە کردبوو، بەڵام لەمساڵدا ئه و ڕێژەیە بۆ زیاتر لە 35 هەزار گەشتیار بەرز دەبێتەوە، چونکە بەدەر لەوەی لەوەی کە ئەمڕۆ بە هەزاران گەشتیار هاتونەتە ناوچەکە تا دوێنێش زیاتر لە 20 هەزار گەشتیار ڕویان لە سنورەکە کردووە.
ڕونیشکردەوە، زۆرترین ئه و گەشتیارانەی کە هاتونەتە شوێنە گەشتیارییەکانی هەڵەبجە گەشتیاری عەرەبن کە لەپارێزگاکانی باشور و ناوەڕاستی عێراقەوە ڕویان لە سنورەکە کردووە، بۆیە بە گوێرەی ئه و پلانەی کە داماننابوو بۆ پێشوازی لە گەشتیاران توانیمان سەرکەوتوانە پلانەکە جێبەجێ بکەین نەهێڵین گرفتێکی ئەوتۆ بۆ هاتنی گەشتیاران دروست ببێت.
بەرپرسی بەشی گەشتوگوزاری بەڕێوەبەرایەتی گەشتوگوزاری هەڵەبجە ئەوەشی خستەڕوو، لەگەڵ ئەوەی زیاتر لە 30 ناوچەی گەشتیاری لە سنوری بەڕێوەبەرایەتی گەشتوگوزاری هەڵەبجەدا بونیان هەیە، بەڵام لەم چوار ڕۆژەی ڕابردوەدا زۆرترین گەشتیاریش ڕویان لەسەیرانگای ئەحمەد ئاوا و ئاوێسەر کردووە ئەوەش بەهۆی ئەوەی کە کەش و هەوای ئه و دوو ناوچەیە فێنکه و پلەکانی گەرما تیایاندا نزم و سروشتێکی جوانیشیان هەیە.
30-06-2017
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 5,478 جار هاتیە دیتن
ڕایا خو دەربارەی ڤی بابەی بنڤێسە!