لەدایکبووی ساڵی1977، لە گوندی #بەلەبزان#ی سەر بە شاری #پاوە#یە.
ساڵی 2001ز،چووەتە ئەرووپا و بۆ ماوەی 5 ساڵ نیشتەجێی ئەرووپا بووە و هەر لەوێ پەیوەندی بە تەشکیلاتی حیزبەوە گرتووە، وەکوو ئەندام لە ڕیزەکانی تەشکیلاتی ئاشکرای حیزبدا کاری کردووە. ساڵی 2007 گەڕاوەتەوە بۆ کوردستان و وەکوو پێشمەرگە لە ڕێزەکانی حیزبی دێموکراتی کوردستانی ئێراندا سازمان دراوە. لەو ماوەیەدا پلەی تەشکیلاتیی کادری وەرگرتووە و بەوپەڕی دڵسۆزییەوە ئەرکە پێسپێردراوەکانی بەڕێوە بردووە. لە دوایین کۆنفڕانسی ناوەندی (1)دا وەکوو ئەندامی ناوەندی 1ی کوردستان هەڵبژێردراوە و لەو ئەرکەشدا بە ڕێکوپێکی و سەرکەوتووانە کارەکانی خۆی تێپەڕاندووە. ساڵی 2015 ز، لەگەڵ تیمێکی پێشمەرگە چووەتەوە بۆ ناوچەی #سەقز# و پاش نزیکەی 2 مانگ بە سەرکەوتوویی گەڕاوەتەوە. ناوبراو لە بەهاری ساڵی 2016ی هەتاویدا هاوڕێ لەگەڵ تیمێکی کادر و پێشمەرگەی ناوەندی 1ی کوردستان، ڕۆیشتەوە بۆ نێوخۆی وڵات لە ناوچەکانی #سنە# و #مەریوان#.
پاش جەولەیەکی 15 ڕۆژە، بەداخەوە لە ڕۆژی 5ی پووشپەڕدا لە شاخی #کۆساڵان# کەوتنە بەر پەلاماری دوژمن و 3 پێشمەرگەی ئازا و گیان لەسەر دەستی حیزبەکەمان شەهید بوون. بەرزان حوسێنی هاوڕێ لەگەڵ 5 کەسی دیکە لە هاوسەنگەرانی لەو شەوەدا بێسەروشوێن بوون.
بەداخەوە پاش ساڵێک بەدواداچوونی ورد، دەرکەوت کە کاک بەرزان حوسێنی پێشمەرگەی ئازا و بەجەرگی حیزب لە ئاگری قینی دوژمندا گیانی پاکی بەختی ڕێگای پڕ لە سەروەریی ئازادیی گەل و نیشتمان کردووە و چووەتە ڕیزی کاروانی پڕ لە شانازیی شەهیدانی کوردستانەوە.
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 5,945 جار هاتیە دیتن
ڕایا خو دەربارەی ڤی بابەی بنڤێسە!