لە دایکبووی ساڵی1991 ی شاری #کامیاران#ە.
هاوینی ساڵی 2010 پەیوەست بە ڕیزی پێشمەرگەکانی حیزب بووە. پاش تەواو کردنی دەورەی سەرەتایی فێرگە، لە کۆمیسیونی پەروەردە سازمان درا. ناوبراو بەوپەڕی دڵسۆزی و ماندوویی نەناسانە ئەرکی حیزبیی خۆی لە کۆمیسیونی پەروەردە بەڕێوە بردووە.
لە و ماوەیەدا لە کۆمیسیونی پەروەردە وەک بەرپرسی بەشی تەداروکاتی پەروەردە کاری دەکرد، بێجگە لە کار و ئەرکی ئورگانی خۆی، لە هێزی پاراستندا ئەرکی سەرپەلی لەئەستۆ بوو. لەو ماوەیەدا چەند دەورەی نیزامیی بینی و وەکوو یەکێک لە پێشمەرگە لێهاتووەکانی بەشی نیزامی ئەرکی خۆی بەڕێوە دەبرد. لە ماوەی 6 ساڵ پێشمەرگایەتی و بەڕێوەبردنی ئەرک و بەرپرسایەتیی جۆراوجۆری حیزبیدا، دووجار بە نووسراوە لە لایەن کۆمیسیۆنی پەروەردە و کۆمیسیونی سیاسی- نیزامی بە نووسراو ڕیزی لێگراوە کرا. ساڵی 2016 یەکێک لەو پێشمەرگانە بوو کە ئامادەیی خۆی بۆ چوونی ناوچە دەربڕی و لەگەڵ تیمێک لە کادر و پێشمەرگەکان لە مەئموریەتی ناوچەدا بەشداری کرد. پاش جەولە و گەڕانێکی سیاسی –نیزامیی 15 ڕۆژە لە ناوچەی #سنە# و #مەریوان#، ڕۆژی 5ی پووشپەڕ لە بەرنبەر بە #26-06-2016# لە شاخی #کوساڵان# پاش هێرشی دڕندانەی هێزەکانی دوژمن و بەرگریی و شەڕێکی ئازایانە و قارەمانانە، وێڕای شەهید بوونی 3 پێشمەرگەی قارەمان لە تیمەکەیان، هاوڕێ هیوا قوربانی لەگەڵ 5 هاوڕێی دیکەی بێ سەر وشوێن بوو. مەخابن دواتر دەرکەوت لەو شەڕەدا بە هۆی ئاگربارانی شاخی کۆساڵان لە لایەن دوژمنی دژە گەلییەوە، شەهید بووە و گیانی پاکی پێشکەش بە ڕێبازی ڕزگاریی گەل و نەتەوەکەی کردووە.
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 5,571 جار هاتیە دیتن
ڕایا خو دەربارەی ڤی بابەی بنڤێسە!