بەپێی هەواڵە بڵاوکراوەکان و ماڵپەڕی کوردپا کە لە ڕۆژی 27-07-2017 بڵاوی کردووتەوە، 600 هەزار هاووڵاتیی لە 72 گەڕەک بە پانتایی سێ هەزار هێکتار لە ناوچە پەراوێزخراوەکانی شارەکانی پارێزگای #ورمێ#، #مەهاباد#، #میاندواو#، #بۆکان#، #خۆی#، دەژین و شاری ورمێ زۆرترین ڕێژەی هاووڵاتیی پەراوێزخراوی بۆ خۆی تەرخان کردووە.
#عەباس حەسەن خانی# لە کۆبوونەوەی شوڕای شاری ورمێ ڕاگەیاند: کێشەی فەرهەنگی، بێهداشتی و خەدەماتی ناوچە پەراوێزخراوەکانی شاری ورمێ دەبێت لەلایەن بەرپرسانی ئەو شارەوە بە جیددی بەدواچوونی بۆ بکرێت.
بە وتەی ئەو بەرپرسە حکوومەتییە، چارەسەر کردنی هێندێک لەو کێشەی ناوچە پەراوێزخراوەکان دەبێتە هۆی ئاوەدانی و لە دەرفەتە فەرهەنگی و ئابوورییەکانی شاری ورمێ بتوانین پیشە بۆ خەڵک درووست بکەین.
ناوبراو لە درێژەدا بە ئاماژە کردن بە کەمی ئاو لەو پارێزگایە ڕاگەیاند: دەبێت شێوازی ژیان خەڵک ئاڵوگۆڕی بە سەر دابێت، هەتا لەگەڵ چالشەکانی قەیرانی کەمی ئاوی بەروڕوو نەبینەوە.
چالاکانی کۆمەڵایەتی و ئابووری لەو باوەڕەدان، نەبوونی خزمەتگوزاری لە گوندەکان و نەبوونی ژێرخانی ئابووری لە شارەکان وکۆچی لەڕادەبەدەری گوندنشینان بۆ شارەکان، دەیان قەیرانی ئابووری و کۆمەڵایەتی وەک (گەشەی پەراوێزنشینی (حاشیە نشینی) لادانە کۆمەڵایەتییەکانی لێ دەکەوێتەوە.[1]
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 8,092 جار هاتیە دیتن
ڕایا خو دەربارەی ڤی بابەی بنڤێسە!