دواڕۆژ، عەلی حەمەسەعید
بەرپرسی کارگێڕی لە #ڕێکخراوی گورچیلەپارێزانی کوردستان# هۆشداری دەدات لەوەی کە لە نەخۆشخانە حکومییەکاندا دەرمان و پێداویستی پزیشکی تایبەت بە نەخۆشانی گورچەیلەیان بۆ دابین نەکراوە.
محەمەد ڕەشید، بەرپرسی کارگێڕی ڕێکخراوی گورچیلەپارێزانی کوردستان بەدواڕۆژی ڕاگەیاند بەهۆی ئەو فشارە زۆرەی لەسەر نەخۆشانی گورچیلە دروستبووە لە ڕووی دارایی و نەبوونی دەرمان و پێداویستی پزیشکییەوە بە ناچاری هەستاوین بە دروستکردنی ڕێکخراوی گورچیلەپارێزانی کوردستان.
وتی هەر دوێنێش 26ی ئابی 2017 بەڕەسمی ڕێکخراوەکەمان ڕاگەیاند، بەو هیوایەی کە بتوانین لەم ڕێگەیەوە فشارێک لەسەر لایەنە پەیوەندیدارەکان دروستبکەین و ئاوڕێک لە نەخۆشانی گورچیلە بدەنەوە.
ئاماژەی بەوەشکرد، لە سنوری پارێزگای هەڵەبجە نزیکەی 60 نەخۆشی گورچیلە بونیان هەیە و نزیکەی هەشت مانگیشە لە نەخۆشخانە حکومییەکاندا دەرمان و پێداویستی پزیشکی بۆ نەخۆشی گورچیلە دابیننەکراوە و ئەوەشی دابینکراوە لەلایەن کەسانی خێرخوازەوە بووە، بۆیە ئەگەر بەزوترین کات ئاوڕ لەم نەخۆشانە نەدرێتەوە، باری تەندروستییان بەرەو خراپتر دەچێت و ژمارەیەکیشیان لەچاوەڕوانی مەرگێکی هێواشدان.
بەرپرسی کارگێڕی لە ڕێکخراوی گورچیلەپارێزانی کوردستان ئەوەشی ڕونکردەوە، بۆئەوەی بەهانای نەخۆشانی دیکەی گورچیلەوە بچین لە شار و شارۆچکەکانی دیکەی هەرێمی کوردستاندا وەزارەتی تەندروستی حکومەتی هەرێم بەڵێنی پێداوین کە لەداهاتویەکی نزیکدا لقی ڕێکخراوەکەمان لە زۆربەی شارەکانی کوردستان بکەینەوە.[1]
#27-08-2017#
ئەڤ بابەت ب زمانا (کوردیی ناوەڕاست - Central Kurdish) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 3,850 جار هاتیە دیتن
ڕایا خو دەربارەی ڤی بابەی بنڤێسە!