بەرپرسی پێوەندییە گشتییەکانی کۆمپانیای ئاوی وارگەیی کوردستان بە دەرکردنی ڕاگەیێندراوێک ئاماژەی بە ئازاد کردنی 187 دۆنم لە زەوینەکانی هاوێر و بەستێنی چۆم و ڕووبارەکانی پارێزگای کوردستان داوە.
بەشی پێوەندییە گشتییەکانی کۆمپانیای ئاوی ناوچەیی کوردستان لە ڕاگەیێندراوێکدا کە وێنەیێکی بۆ هەواڵدەریی کوردپرێس نێردراوە، وێرای ڕاگەیاندنی ئەو هەواڵە هێناویە: بە هەوڵ و بەدواداچوونەکانی کۆمپانیای ئاوی ناوچەیی لە ئاستی پارێزگا و هەروەها بە دواداچوونەکانی فەرمانگەکانی سەرچاوەی ئاوی شارستانەکان و گرووپەلانی گەڕان و پشکنین لە ماوەی ئەم سێ ساڵەی دوایدا لە یەک ملیۆن هەشسەد و حەفتا و دوو هەزار مەتری چوار گۆشە لە زەوینەکانی بەستێن و هەرێمی چۆم و ڕووبارەکانی کوردستان کۆتایی بە داگیر کردنیان هاتووە و ئازاد کراون.
لەو ڕاگەیێدراوەدا هەروەها ئاماژە بەوەش کراوە: لە ماوە ساڵەکانی 1393 تاکوو 1395 ڕێژەی 472 دۆسیە سەبارەت بە داگیر کرانی بەستێن و هەرێمی ڕووبارەکان کە دادگە و مەحکەمەکانی کوردستان کراوەتەوە کە هەمبەر بە 285 لەو دۆسیانە دەنگی کۆتایی دراوە و 153 لەو حوکانەش یەکلا بۆتەوە و لە دادگەکان جێبەجێ کراوە.
پەیوەندییە گشتییەکانی کۆمپانیای ئاوی وارگەیی کوردستان زیادیشی دەکات: دەرەنجامی هەوڵ و هەنگاوەکان ئاماژە پێکراوەکان ئازاد کردنی بەستێن و هەرێمی چۆم و ڕووبارەکان، ڕێگری لە خەساری گیانی و ماڵی لە کاتی هەتانی سێڵاو و پارێزگاری کردن لە سەرچاوە ئاوییەکانی پارێزگایە.[1]
27-08-2017
ئەڤ بابەت ب زمانا (کوردیی ناوەڕاست - Central Kurdish) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 5,546 جار هاتیە دیتن
ڕایا خو دەربارەی ڤی بابەی بنڤێسە!