ناوەندی ڕاگەیاندنی هێزەکانی پاراستنی گەل- #هەپەگە#، ڕاگەیەندراوێکی بڵاوکردەوە و تێیدا کوژرانی 69 سەربازی تورکی ڕاگەیاند.
ئەمڕۆ ناوەندی ڕاگەیاندنی هەپەگە لە سەر ماڵپەڕی فەرمییدا ڕاگەیەندراوێکی سەبارەت بە چالاکیی گەریلاکان لە هەنگاوی شۆڕشگێڕانەی شەهید ماهیر، شەهید ئەیلەم و شەید ئارگەشدا، دژی ئۆپەراسیۆنەکانی سوپای تورک لە دەڤەری دەمیرکاپی سەربە بازیدی شاری #ئاگری# بڵاوکردەوە.
هەپەگە ڕایگەیاند: ڕۆژی 27ی ئەیلول سوپای تورک لە دەڤەری دەمیرکاپیی سەربە شارۆچکەی بازیدی شاری ئاگری بە بەشداری هەزاران سەرباز ئۆپەراسیۆنێکی دەستپێکرد، لە بەرامبەر ئەو ئۆپەراسیۆنەدا گەریلاکان لە هەنگاوی شۆڕشگێڕانەی شەهید ئەیلەم، شەهید ماهیر و شەهید ئارگەشدا چالاکییان ئەنجامدا.
لە بەردەوامیدا ڕایگەیاند: ڕۆژی 28ی مانگ سوپای تورک بە پشتگیریی هەلیکۆپتەرەکانییەوە هەوڵیدا بچێتە ناو شوێنەکانی ژێر کۆنتڕۆڵی گەریلاکانەوە، هەر ئەو ڕۆژە کاتژمێر 04:30 خولەکی پاشنیوەڕۆ گەریلاکانمان چالاکییەکیان ئەنجامدا دژی یەکینەیەکی سوپای تورک، لە ئەنجامدا پێنج سەرباز کوژران و سێ سەربازی دیکە برینداربوون.
هەپەگە باسی لەوەش کردووە: ڕۆژی 29ی مانگ کاتژمێر 07:30 خولەکی سەرلەبەیانی، گەریلاکانمان یەکینەیەکی سوپای تورکیان گەمارۆدا، پاش شەڕێکی سەخت دەستیان بە سەر لاشەی 20 سەربازی تورکدا گرت، لەلایەکی دیکەوە ئەو هێزانەی دوژمن کە هەووڵیان دا خۆیان بگەیەننەوە ئەو شوێنە ڕووبەڕووی چالاکی گەریلاکانمان بوونەوە لە نۆ قۆڵەوە، لەو چالاکییانەشدا 30 سەربازی تورک کوژران و 18ی دیکە برینداربوون، هەر ئەو ڕۆژە کاتژمێر 05:00ی پاشنیوەڕچادرێکی هێزەکانی سوپای تورک کرایە ئامانجی چالاکیی گەریلاکانمان، لەو چالاکییەشدا هەشت سەربازی تورک کوژران و زیاتر لە 20 سەرباز برینداربوون.
هەپەگە ئاشکراشی کردووە: ڕۆژی 30ی ئەیلول کاتژمێر 02:30 خولەکی پاشنیوەڕۆ گەریلاکانمان چالاکییان دژی یەکینەیەکی سوپای تورک ئەنجامدا، لەو چالاکییەشدا چوار سەرباز کوژران و سێی دیکە بریندار بوون.
هەپەگە لە بەشێکی دیکەشدا ڕایگەیاند، کە لە چالاکییەدا کە ڕۆژی 1ی مانگ کاتژمێر 06:00ی ئێوارە دژی بارەگای سەربازی خاپینۆکی بەدلیس ئەنجامدرا دوو سەربازو فەرماندەیەکی سوپای تورک کوژران.
لە کۆتاییدا هەپەگە ئاماری گشتیی سەربازانی کوژراو و برینداری سوپای تورکی خستووەتە ڕوو ڕایگەیاندووە، کە بەگشتی لەو زنجیرە چالاکییانەدا 69 سەربازی تورک کوژران و 4 سەربازی دیکەش برینداربوون.[1]
02-10-2017