ناوەندی ڕاگەیاندنی هێزەکانی پاراستنی گەل- #هەپەگە#، ڕاگەیەندراوێکی سەبارەت بە چالاکیی گەریلاکانی لە #دەرسیم# و #بارزان# و #گەڤەر# بڵاوکردەوەو کوژرانی 10 سەربازی تورکیای ڕاگەیاند.
ناوەندی ڕاگەیاندنی هەپەگە، ئەمڕۆ ڕاگەیەندراوێکی بڵاوکردەوە و ئاشکرای کرد، کە لە ئەنجامی چالاکیی گەریلاکان لە گەڤەر سەربازێک، لە دەرسیم پێنج سەرباز و لە دەڤەری بارزانیش چوار سەرباز کوژران.
هەپەگە ڕایگەیاند: لە هەنگاوی شۆڕشگێڕانەی شەهید بەدران گوندیکرامۆ و شەهید نالین مووشدا، دوێنێ کاتژمێر 09:20 خولەکی سەرلەبەیانی گەریلاکانمان لە دەوروبەری گەڤەری سەربە جولەمێرگ چالاکییەکیان دژی سوپای تورک ئەنجامدا، لە ئەنجامیدا سەربازێکی تورک کوژرا.
ڕاشیگەیاند:سوپای داگیرکەری تورک ڕۆژی 27ی ئەیلول لە دەڤەری بارزان ئۆپەراسیۆنێکی دەستپێکرد، دوێنێ کاتژمێر 03:00ی پاشنیوەڕۆ گەریلاکانمان لە سەر گردی کۆردینەی دەڤەری بارزان، چالاکییەکیان دژی یەکینەیەکی سوپای تورک لەو ئۆپەراسیۆنەدا ئەنجامدا، لەو چالاکییەدا چوار سەربازی تورک کوژران.
لە کۆتاییدا هەپەگە ڕایگەیاند: هەر دوێنێ کاتژمێر 02:00ی پاشنیوەڕۆ لە دەوروبەری ناوەندی شاری دەرسیم، یەکینەیەکی سوپای تورک کرانە ئامانجی چالاکیی گەریلاکانمان، لەو چالاکییەشدا پێنج سەربازی تورک کوژران و سەربازێکی دیکەش برینداربوو.[1]
14-10-2017
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 4,016 جار هاتیە دیتن
ڕایا خو دەربارەی ڤی بابەی بنڤێسە!