ماوەی سێ ڕۆژە ئاڵوگۆڕی بازرگانی و هاتوچۆی هاوڵاتیان لەڕێگەی مەرزی نێودەوڵەتی #پەروێزخان#ەوە ڕاگیراوە، تائێستا کۆماری ئیسلامی ئێران مەرزەکەی بەڕوی هەرێمدا نەکردۆتەوە، بەڵام هیچ هێزێک نەهاتۆتە نێو مەرزی پەروێزخان.
ئەوەی جێگەی سەرنجە لەچەند کەناڵ و میدیایەک باس لەوە دەکرێت، کە گوایە مەرزی پەروێزخان ڕادەستی سوپای عێراق و حەشدی شەعبی کراوە، ئەوە لەکاتێکدایە ئەو میدیایانە بەبێ پەیوەندیکردن بە ئێمەو وەرگرتنی زانیاری ئەو هەواڵانەیان بڵاوکردتەوە، هەواڵەکەش دوورە لە ڕاستیەوە.
ڕاستە لەئێستادا هاتوچۆو جوڵەی بارزگانی لە مەرزی نێودەوڵەتی پەروێزخان ڕاگیراوە، بەڵام هەموو لایەک دڵنیا دەکەینەوە، کەهیچ هێزێک نەهاتۆتە نێو مەرزەکە.
ڕاگەیاندنی بەڕێوەبەرایەتی کۆمەڵگای دەروازەی نێودەوڵەتی پەروێزخان
17-10-2017