موعتەسەم نەجمەدین
2017
#دەزگای ئایدیا بۆ فکر و لێکۆڵینەوە#

ساڵی 2015 بە گشتی بۆ سەرجەم مرۆڤایەتی و بەتایبەتی بۆ خۆرهەڵاتی ناوەڕاست، ساڵێکی پڕ لەئاشوب، کارەسات، شەڕ، قەیران و ماڵوێرانی بوو.
لە سەرجەم بوارەکانی ژیانی سیاسی، ئابوری و کۆمەڵایەتی، تەنانەت لەبواری تەندروستی و بڵاوبوونەوەی نەخۆشی، برسێتی، ئاوارەیی، ڕەوکردن و هەڵهاتن، تراژیدیایەکی یەکجار بێوێنەی سامناک و دڵتەزێن بوو.
قوڵبوونەوەی قەیران، کێشە و گرفتەکان لەم ساڵانەدا بەشێوەیەک بوو، تروسکایی هیواو ئاسۆی ئومێد بۆ ڕزگاربوون لەم دۆخە بووە خەونێکی بەتاڵ، خواستێکی بێ بناغە و هیوایەکی پوک. لەڕووە واقعییەکەیەوە زۆربەی دنیابینی و بیروبۆچوونەکان بۆ ساڵی داهاتوو بەو ئاڕاستەیەدان، کە قەیران، کێشەو نەهامەتییەکان نەک هەر کۆتاییان نایەت، بەڵکو ڕوو لەزیادبوون و زیاتر قوڵبوونەوە دەکەن. [1]