ئەندامێکی پەرلەمانی عێراق لە فراکسیۆنی کۆمەڵی ئیسلامی کوردستان ئاشکرایدەکات: لە پڕۆژەیاسای بودجەی ساڵی 2019دا عێراقدا، پشکی #پێشمەرگە# لە بودجەی وەزارەتی بەرگری 444 ملیار دینارە.
ئەحمەدی حاجی ڕەشید، ئەندامی پەرلەمانی عێراق لەسەر فراکسیۆنی کۆمەڵ لە ئەکاونتی تایبەتی خۆیدا لە فەیسبوک نوسیویەتی :لە پڕۆژەیاسای بودجەی ساڵی 2019دا پشکی پێشمەرگە لە بودجەی وەزارەتی بەرگری عێراق بەبڕی 37 ملیار دینار مانگانە دادەنرێت کە له و ساڵەدا بە کۆی گشتی دەکاتە 444 ملیار دینار.
ئەوەشی خستۆتەڕوو :لە بەرامبەردا تەنیا دەزگای دژە تیرۆری عێراق کە 12 هەزار چەکدارە بڕی 738 ملیار و 91 ملیۆن و 187 هەزار دیناری بۆ تەرخاندەکرێت.
روونیشکردۆتەوە :وەزارەتی بەرگری حکومەتی عێراق بڕی حەوت ترلیۆن و 865 ملیار و 284 ملیۆن و 700 هەزار دیناری بۆ تەرخان کراوە کە سەرژمێریان تەنیا 184 هەزار کەسە.
دەشڵێت:بودجەی تەرخانکراو بۆ #حەشدی شەعبی# و وەزارەتی بەرگری نۆ ترلیۆن و 963 ملیار و 575 ملیۆن و 170 هەزار دیناری بۆ تەرخانکراوە.
بە وتەی ئەو پەرلەمانتارە، بودجەی تەرخانکراو بۆ هەرێم بڕی هەشت ترلیۆن و 970 ملیار و 467 ملیۆن و 226 هەزار دینارە.[1]
#12-10-2018#
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 2,064 جار هاتیە دیتن
ڕایا خو دەربارەی ڤی بابەی بنڤێسە!