بەدوای بڵاوبونەی هەواڵی هەڵاتنی چەند زیندانیەک لەیەکێک لە گرتوخانەکانی سنوری پارێزگای #سلێمانی# لە ڕۆژی چوارشەممە 12-12-2018 و پاشان دەستپێکردنی هەڵمەتیکی گەڕان وپشکنین لەلایەن هیزەکانی ئاسایش و پۆلیسەوە بەئامانجی دەستگیرکردنەوەیان لە چەند گوند شارۆچکەیکی دەوروبەری سلێمانی، جۆرێک لە دڵەراوکێ و نیگەرانی لەنێو خەڵکی ئەم ناوچانە بڵاوبۆتەوە. بەرپرسانی ئاسایش و هێزە ئەمنیەکان، لە کاتێکدا هێزێکی زۆریان لەو ناوچانەی نزیک شارەدێی بازیان بڵاوە پێکردوە و جەماوەری خستۆتە باری نیگەرانی و نائاساییەوە، بەڵام لەمبارەیەوە هیچ جۆرە لێدوانێک نادەن و هیج جۆرە زانیارییەک بۆ ڕای گشتی ناخەنە ڕوو. بەگوێرەی ئەو دەنگۆیانەی بڵاوبونەتەوە، ئەم هەڵاتوانە کەسانی سەر بەرێکخراوی تیرۆریستی #داعش#ن.
ئێمە لەکۆمیتەی سلێمانی حزبی کۆمۆنیستی کرێکاریی کوردستان، داواکارین لە بەرپرسانی ئەمنی و پۆلیس لە پارێزگای سلێمانی کە زانیاری پێویست سەبارەت بە هەڵاتوەکان بۆ هاوڵاتیان ئاشکرا بکەن، تا لە ترس و دڵەراوکێدا نەمێننەوە و پارێزراو بن لە مەترسیەک کە ڕەنگە ڕوبەڕویان بێتەوە!
کۆمیتەی سلێمانی حزبی کۆمۆنیستی کرێکاریی کوردستان
#16-12-2018#
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 2,364 جار هاتیە دیتن
ڕایا خو دەربارەی ڤی بابەی بنڤێسە!