دواڕۆژ، عیسا عەبدولقەهار
وتەبێژی #وەزارەتی کشتوکاڵ#ی هەرێم ڕایدەگەیەنێت: سەرجەم پڕۆژە کشتوکاڵییەکان لە پارێزگاکانی هەرێم بەگەڕدەخرێنەوه و بڕی 30 ملیار دیناریش لەلایەن حکومەتی هەرێم تەرخانکراوە.
بەهۆی قەیرانی دارایی هەرێم زیاتر لە 50 پڕۆژەی کشتوکاڵ لەپارێزگاکانی #هەولێر#، #سلێمانی#، #دهۆک# و #هەڵەبجە# لەکارکەوتوون، لەوبارەیەوە ماجید دەباغ بەڕێوەبەری ڕاگەیاندنی وەزارەتی کشتوکاڵ بە دواڕۆژی ڕاگەیاند: ئەنجومەنی وەزیران بڕی 30 ملیار دیناری بۆ بەگەڕخستنەوەی پڕۆژە کشتوکاڵییەکان تەرخانکردووە.
وتیشی: لەگەڵ #وەزارەتی دارایی# کۆبوونەوەمان کردووه و لیستی پڕۆژەکانمان پێداون و بڕیارە لە هەفتەی داهاتوو بەپێی پارەی تەرخانکراو، پڕۆژەکەمان بەگەڕبخرێنەوە.
بەرپرسەکەی وەزارەتی کشتوکاڵ، ئاماژەی بەوەشکرد: بەدەستپێکردنەوەی پڕۆژەکان داهاتێکی دیکە بۆ هەرێم زیاد دەبێت.
جگە له و پارەیەی بۆ پڕۆژە کشتوکاڵییەکان تەرخانکراوە، چەند ڕێکخراو و وڵاتێک پڕۆژەی کشتوکاڵی لە هەرێم جێبەجێدەکەن، لەوانە ڕێکخراوی یوئێن دی پی سێ پڕۆژە لەبارەی بە بازاڕکردنی بەرهەم و چنینەوەی بەرهەم بۆ وەزارەتی کشتوکاڵ جێبەجێ دەکەن، هەروەها هۆڵەندا بودجە بۆ چوار پڕۆژەی کشتوکاڵی لەهەرێم دابیندەکات.
پ/ سیروان محەمەد[1]
#20-12-2018#
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 2,898 جار هاتیە دیتن
ڕایا خو دەربارەی ڤی بابەی بنڤێسە!