دواڕۆژ، محەمەد مستەفا
لە سنوری شارۆچکەی ڕانیە نەخۆشی زەردوویی ئاژەڵ بڵاودەبێتەوە به و هۆیەشەوە دەیان سەر ئاژەڵ مردار دەبنەوە و پزیشکێکی ڤێترنەریی دەڵێتلەکاتی توشبوون به و نەخۆشیە گۆشت و بەرهەمەکانی ئاژەڵەکە بۆ خواردن شیاو نابن.
هیمداد بابەکر گوندنشین لە سنوری قەزای #ڕانیە# بۆ دواڕۆژ وتی ماوەی چەند ڕۆژێکە جۆرە نەخۆشیەک لەناو مەڕ و بزنەکانی بڵاوبویەتەوە و به و هۆیەشەوە زیاتر لە 50 سەرئاژەڵم مردار بوونەتەوە و ژمارەیەکی زۆرتریشی توشی ئه و جۆرە نەخۆشیە بوون.
وتیشی پزیشکی ڤێترنەری پێی وتین نەخۆشیەکە زەردووییە، بەڵام بۆ یەکەمجارە ئەم حاڵەتە لە گوندەکەمان ڕووبدات و پێشتر ناوی ئه و نەخۆشیەم نەبیستووە.
هاوکات سەعدی تەیب بەرپرسی هۆبەی ڤێترنەری شارەدێی حاجیاوا بە دواڕۆژی ڕاگەیاندبە شێوەی مەیدانی سەردانی ئه و گوند و شوێنانەمان کردووە کە ئه و جۆرە نەخۆشیەی تێدا بڵاوبۆتەوە و نەخۆشیەکەش بە نەخۆشی زەردوویی ئاژەڵ ناسراوە کە لە ڕێگەی زیندەوەرێکی مشەخۆری زۆر بچوکەوە دەچێتە ناو لەشی ئاژەڵەکەوە و توشی خوێن بەربوونی دەکات و دواتر دەیکوژێت و بەڵام دەتوانرێت لە ڕێگەی دەرمانەوە ڕێگری لە مرداربوونەوەی ئاژەڵە نەخۆشەکان بگیرێت و بە دەرمانی تایبەت ئاژەڵەکان له و نەخۆشیە ڕزگار دەکرێن.
وتیشیهۆکاری مرداربوونەوەی ئه و ئاژەڵانە دەگەڕێتەوە بۆ کەمتەرخەمی خاوەن ئاژەڵەکان، چونکە وەک پێویست دەرمانی دژی نەخۆشیەکەیان بۆ ئاژەڵەکانیان بەکارنەهێناوە.
بە وتەی ئه و پزیشکە ئه و ئاژەڵەی کە توشی ئه و جۆرە نەخۆشیە دەبێت بەروبوم و گۆشتەکەی شیاو نیە بۆ خواردن تا ئه و کاتەی بە تەواوی له و نەخۆشیە چاکدەبێتەوە.[1]
#10-01-2019#