ئەگەر ئەتەوێ بەهەشت بنۆشی، نەفسێ تێرکە و سڕی بپۆشی
بەهەشت نۆشين ئاسان نيە و کاری گەرەکە تا پێگەيشتنی، لە هەموو ئاينە ئاسمانی و ناوچەييەکان و دەستچێنی بيروبۆچونی مرۆڤەکان، جەختکردنەوە لە تێرکردنی برسی لەهەموو ئايينەکاندا گوزارشتی مرۆڤ دۆستی و مرۆڤايەتيە، بەڵام مەرج و پێوەر هەيە بۆ تێرکردنی خەڵکی برسی، بەتايبەت بۆ ڕێزگرتنی نەک بەزەيی هاتنەوە چونکە بەزەيی هاتنەوە بێ ڕێزگرتن ئەوا جۆرێک لەسەرکۆنە(ئيهانە)ی تێدايە، سەرکۆنە و تێرکردن بەهەشتی پێ بەدەست نايەت بەڵکو تێرکردن و داپۆشين دوو کرداری يەک لەدوای يەکبن، بە تايبەتيش ويژدان و بەزەييت بۆ پڕکردنەوەی پێداويستی مرۆڤێکی برسی بێت ئەوا بەهەشت خۆی شوێنی ئه و کەسانەيە چ پێويست ناکات بۆ دونيای فانی و کايەی مناڵان ئه و ناز و بەخشينەی بەهەشت لەکيس خۆت بدەيت وەک عەتار هاواری بۆ بکەيت دەمێکە لە تەلەفزيۆنەکانی تەوژمە ئيسلاميەکان لە باشوری کوردستان خێزان و خەڵکی نەدار دەهێننە سەر شاشەکان و بەناوی هانا و خێرخوازييەوە کار لە کەرامەتيان دەکەن و هەر بۆ بەدەستهێنانی بەهەشتيش ئه و کارە دەکەن و دەقی(دەستی چەپ نابێت بەخێری دەستی ڕاست بزانێت) فەرامۆش دەکەن ئەم دەربڕينە لەناو کورداندا لەچوارچێوەی ئه و فەرمودەيەی پێغەمبەری ئيسلام(د.خ) دا هاتووە کە کورديش فەرمويەتی(ئەگەر ئەتەوێ بەهەشت بنۆشی، نەفسێ تێرکە و سڕی بپۆشی).
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 1,037 جار هاتیە دیتن