وەزیری ناوخۆی تورکیا، ڕایگەیاند، هەڕەشەکانی #پەکەکە# لەناوخۆی تورکیا بەڕێژەی 65% کەمبوونەتەوە، ئەمەش دەرخەری ئەوەیە کە ڕەوشی پەکەکە لە خراپیدایە.
سلێمان سۆیڵو، وەزیری ناوخۆی تورکیا لە کۆبوونەوەی هەڵسەنگاندنی ئاسایش و سەقامگیری لە ساڵی 2018 لە فەرماندەیی گشتیی هێزەکانی جەندرمە گوتارێکی پێشکەشکرد و ڕایگەیاند لە زستاندا پلان بۆ ئەنجامدانی چوار هەزار و 407 ئۆپەراسیۆن لە 357 ناوچە داندراوە و بەڕێژەی 67%ی ئەو ئۆپەراسیۆنانە تەواوبوون. هەڕەشەکانی پەکەکە لەناوخۆی تورکیا بەڕێژەی 65% کەمبوونەتەوە، ئەمەش دەرخەری ئەوەیە کە ڕەوشی پەکەکە لەخراپیدایە.
سۆیلو گوتیشی لە 2017ەوە تاوەکو ئێستا 104 گەریلا بەهۆی فڕۆکە بێفڕۆکەوانەکان و 784 گەریلاش بەهۆی بۆردوومانی فڕۆکە بێفڕۆکەوانە جەنگییەکان کوژراون. فڕۆکە بێفڕۆکەوانەکان 297 حەشارگەیان دەستنیشانکردووە و لەناوبراون. لە 2017دا فڕۆکەی بێفڕۆکەوانی جەنگی و فڕۆکەی بێفڕۆکەوانی چاودێر، 15 هەزار و 786 کاژێر لە فڕیندابوون و لە 2018شدا، 22 هەزار کاژێر لە فڕیندابوون. ڕۆڵی باڵایان هەبووە لە ئاشکراکردنی شوێنەکانیان و ڕێگەیشیان لە جموجۆڵی تیرۆریستان گرتووە.
لەبارەی ژمارەی گەریلاکان لەناوخۆی تورکیادا، وەزیری ناوخۆی تورکیا گوتی ژمارەیان لە دەورووبەری 700 گەریلادایە. لە ساڵی 2018دا، 97 هەزار و 107 ئۆپەراسیۆنمان بۆ سەر حەشارگە و بنکەکانی پەکەکە لە ناوچەی گوندەوارەکان ئەنجامداوە.
وەزیری ناوخۆی تورکیا ئەوەشی خستەڕوو کە حەوت هەزار و 427 ئۆپەراسیۆنیان بۆسەر ڕێکخستنە نێوخۆییەکانی نێو شاری پەکەکە/کەجەکە ئەنجامداوە و 16 هەزار و 232 کەس دەستگیرکراون. گوتیشی لە ساڵی 2018دا، 383 تیرۆریست خۆیان ڕادەستکردووە. لەگەڵ خێزانی 165 لەمانەدا چاوپێکەوتن ئەنجامدراوە و لەڕێگەی ڕازیکردنەوە خۆڕادەستکردنیان دەستەبەرکراون. هەروەها لە 2018دا، 108 بەرپرسی باڵای پەکەکە کوژراون کە 13یان ناویان لە لیستی داواکراواندا بووە.[1]
#21-02-2019#
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 2,506 جار هاتیە دیتن
ڕایا خو دەربارەی ڤی بابەی بنڤێسە!