ڕاگەیەنراوێک لە سەرۆکی هەرێمی کوردستانەوە
بە نیگەرانییەکی زۆر و لە نزیکەوە چاودێریی دۆخی عێراق و پێشهاتەکانی دەکەین کە لە قەیرانێکی قووڵدایە. لە کاتێکدا مەترسیی ناسەقامگیری و ئاڵۆزبوونی زیاتری دۆخەکە، خەریکه وڵات بەره و داهاتوویەکی نادیار دەبات، ئەرکی هەمووانە بە لێکگەیشتن و گیانێکی نیشتمانییانەی بەرپرسانە، مامەڵە لەگەڵ دۆخەکەدا بکەن و دوور لە فشاری سیاسی، بە میکانیزمە دەستوورییەکان قۆناغەکە دەرباز بکرێت.
لە بابەتی ڕاسپاردنی کاندیدی سەرۆک وەزیرانی داهاتووی عێراقدا، دیارە سەرکۆمار بەڕێز د. #بەرهەم ساڵح# دوور لە میکانیزم و بنەمای دەستووری، کەوتووەتە ژێر فشارێکی زۆرەوە. لێرەدا دووپاتی دەکەینەوە کە هەموو چارەسەرێک دەبێ لەسەر بنەمای دەستوور و بەپێی ڕێوشوێنە یاسایییەکان بێت.
بەمەبەستی دەستنیشانکردنی کاندیدێکی نیشتمانی بۆ سەرۆک وەزیران کە مایەی مشتومڕ نەبێت و لەلایەن هێزە کاریگەرەکانەوە قبووڵکراو بێت، پێویستە داوا ڕەواکانی خۆپیشاندەر ان و دۆخ و بەرژەوەندییەکانی وڵات لە دەستنیشانکردنیدا ڕەوچاو بکرێن، هاوکاریی حکوومەتی ئایندەش بکرێت بۆ تێپەڕاندنی قۆناغی ئینتیقالیی داهاتوو و خۆئامادەکردن بۆ هەڵبژاردنی تازە.
#نێچیرڤان بارزانی#
سەرۆکی هەرێمی کوردستان
#28-12-2019#
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 2,057 جار هاتیە دیتن
ڕایا خو دەربارەی ڤی بابەی بنڤێسە!