ئەمڕۆ ناوەندی ڕاگەیاندنی هێزەکانی پاراستنی گەل- #هەپەگە#، لەسەر چالاکیی گەریلاکان لە خواکورک و چەلێی سەر بە جولەمێرگ لە باکوری کوردستان، دژی سوپای داگیرکەری تورک ڕاگەیەندراوێکی بڵاوکردەوە.
لە ڕاگەیەندراوەکەدا هاتووە: هێزەکانمان لە چوارچێوەی هەنگاوی شۆڕشگێڕیی شەهید باگەر و شەهید ڕۆنیادا، ڕۆژی 30ی ئەم مانگە کاتژمێر 07:30 خولەکی بەیانی لە ناوچەی خواکورک لە هەرێمەکانی پاراستنی مەدیا، دژی سوپای داگیرکەری تورک لەسەر گردی شەهید دەروێش چالاکییان ئەنجامدا و مۆڵگە و حەشارگەکانی دوژمنیان کردە ئامانج و بە تەواوەتی ڕووخاندیان، ئەوەندەش بۆمان ڕوون بووەتەوە، لە ئەنجامی ئەو چالاکییەدا، چوار سەربازی دوژمن کوژراون، سوپای داگیرکەر دوای چالاکییەکە بە چەکی قورس ناوچەکەی تۆپباران کردووە و کوژراو و بریندارەکانی دوور خستووەتەوە.
هەروەها هاتووە: کاتژمێر 09:40 خولەکی بەیانی ئەمڕۆش، هێزەکانمان لە ناوچەی چەلێی جولەمێرگ دژی سوپای داگیرکەری تورک لەسەر گردی کۆردینە چالاکییان ئەنجامدا، گورزی سەخت لە مۆڵگە و حەشارگەکانی دوژمن وەشێندراوە، بەڵام ژمارەی کوژراو بریندارەکان ڕوون نەبووەتەوە.[1]
#31-01-2020#
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 1,939 جار هاتیە دیتن
ڕایا خو دەربارەی ڤی بابەی بنڤێسە!