تائێستا لە#گەرمیان# پشکنینی تاقیگەیی ڤایرۆسی کۆرۆنای نوێ (کۆڤید 19) بۆ نزیکەی (620) نمونە ئەنجامدراوە، دەرەنجامی هەموشیان نێگەتیڤ بون و خۆشبەختانە کەسیان هەڵگری ڤایرۆسەکە نەبون.
ئەم زانیارییە دڵخۆشکەرەیە دەبێت هاندەرمان بێت بۆ بەردەوامبون لە پابەندبون بە مانەوە لە ماڵەکانمان و جێبەجێکردنی ڕێنماییە تەندروستیەکان، نەک بەپێچەوانەوە بە هەند وەرنەگرتنی ئەو ڕێنماییانە و حساب بۆ نەکردنیان، چونکە مەترسی ڤایرۆسەکە تائێستاش بە توندی بونی هەیە و هیچ نەڕەویوەتەوە، بەڵکو تۆمارکردنی بەردەوامی حاڵەتەکانی ڤایرۆسەکە لە ناوچە و شارەکانی دەوروبەر و نزیکی گەرمیان، ڕادەی مەترسیەکە لەسەر ناوچەکەمان زیاتر دەکات.
بۆیە لێرەوە داوا لە هاوڵاتیان دەکەین، کە تکایە بە گرنگییەوە لە ڕێنماییەکان بڕوانن، لە ماڵەکانتان مەیەنە دەرەوە و تێکەڵ بە کەس مەبن، بەردەوام بن لە گرتنەبەری ڕێکارە تەندروستیە خۆپارێزییەکان، بەتایبەتی لە دەستشۆردن بەشێوەی دروست و پاکوخاوێن ڕاگرتنی خود.
ئەزمونی وڵاتانی دیکە سەلماندویەتی کە باشترین ئامراز بۆ ڕوبەڕوبونەوەی ڤایرۆسەکە، خۆپارێزیە، لەرێگەی دورکەوتنەوە لە قەرەباڵغی و تێکەڵ نەبون بە خەڵکی و مانەوە لەماڵەوە، لەگەڵ ڕاگرتنی پاکوخاوێنی بەشێوەیەکی بەردەوام.
بەئومێدی سەلامەتی هەمو لایەک...
بەڕێوبەرایەتی گشتی تەندروستی گەرمیان
#26-03-2020#
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 2,275 جار هاتیە دیتن
ڕایا خو دەربارەی ڤی بابەی بنڤێسە!