رێنمایی کردنەوەی کەبابخانە و گۆشت و مریشکی برژاو
1- تەنها ڕێگە بەوشوێنانە دەدرێت مۆڵەتی لایەنە پەیوەندیدارەکانی هەبێت.
2- ئەو کەسانەی لەو شوێنە ئیش دەکەن، پێویستە ناسنامەی تەندروستی هەبێت و سەرجەم ڕێنماییەکانی خۆپارێزی جێبەجێ بکەن وەک بەکارهێنانی دەستکێش، کڵاو، صەدرییە و دەمامک.
3- پێویستە ڕۆژانە سێجار کاری پاکژکردنەوە (تعقیم) بۆ دوکانەکان بکرێت بە دەرمانی (ڤێرکۆن) لە کاتەکانی بەیانیان کاتی کردنەوەی، نیوەڕوان و ئێواران کاتی داخستن.
4- پێویستە شوێنەکەی بەردەوام کارەبای هەبێت.
5- تەنها ڕێگە بە بەکارهێنانی ئەو گۆشت و کەباب و مریشکانە دەدرێت کە سەرچاوەی کڕینی دیاربێت و پشکنینی بۆ کرابێت لەلایەن لایەنە پەیوەندیدارەکانەوە.
6- بەهیچ شێوەیەک نابێت کڕیار بچێتە ناو دوکانەکەوە، دوکاندارەکە بەربەستێک لەبەردەم دوکانە دابنێت بۆ ڕێگری کردن.
7- لەم کاتەدا تەنها ئەو دوکانانە دەکرێتەوە لە گەڕەکەکاندایە و ئەو دوکانانەی لەسەنتەری شاردان ناکرێنەوە.
8- کەسێکی تایبەت دابنرێت بۆ وەرگرتنی پارە و پێدانی گۆشت و کەباب و مریشک بە کڕیارەکان.
9- بەهیچ شێوەیک ڕێگە نادرێت هاوڵاتی چاوەڕێی برژاندنی گۆشت و کەباب و مریشک بکات بەڵکو تەنها بەشێوەیی دلیڤەری دەبێت.
10- سەرپێچیکار ڕوبەڕوی ڕێکاری یاسایی دەکرێتەوە.
رێنمایی کردنەوەی کارگەکانی خواردەمەنی ئامادەکراو
1- تەنها ڕێگە بەوشوێنانە دەدرێت مۆڵەتی لایەنە پەیوەندیدارەکانی هەبێت.
2- ئەو کەسانەی لەو شوێنە ئیش دەکەن، پێویستە ناسنامەی تەندروستی هەبێت و سەرجەم ڕێنماییەکانی خۆپارێزی جێبەجێ بکەن وەک بەکارهێنانی دەستکێش، کڵاو، جلوبەرگی خۆپارێزی و دەمامک.
3- پێویستە ڕۆژانە سێجار کاری پاکژکردنەوە (تعقیم) بۆ کارگەکان بکرێت بە دەرمانی (ڤێرکۆن) لە کاتەکانی بەیانیان کاتی کردنەوەی، نیوەڕوان و ئێواران کاتی داخستن.
4- پێویستە شوێنەکەی بەردەوام کارەبای هەبێت، سەرجەم خواردەمەنیەکان لە پلەی ساردی پێویست دابنرێت.
5- بەهیچ شێوەیەک نابێت کڕیار بچێتە ناو کارگەکانەوه و بەربەستێک لەبەردەم کارگەکەدا دابنرێت بۆ ڕێگری کردن.
6- لەم کاتەدا تەنها ئەو کارگە دەکرێتەوە لە گەڕەکەکاندایە و ئەو کارگانەی لەسەنتەری شاردان ناکرێنەوە.
7- کەسێکی تایبەت دابنرێت بۆ وەرگرتنی پارە و پێدانی خۆراکی ئامادەکراو بە کڕیارەکان، واتە ئەو کەسانەی کاری ئامادەکردنی خواردەمەنی دەکەن نابێت هیچ بەرکەوتنێکی لەگەڵ کڕیار هەبێت.
8- بەهیچ شێوەیک ڕێگە نادرێت هاوڵاتی چاوەڕێی ئامادەکراو بکات بەڵکو تەنها بەشێوەیی دلیڤەری دەبێت.
9- پێویست ئەو گۆشتانەی بەکاری دەهێنن سەرچاوەی دیاربێت و پشکنینی بۆ کرابێت لەلایەن لایەنە پەیوەندیدارەکانەوه.
10- پێویستە ژمارەی ئەو کارمەندانەی لە کارگەکەدا کار دەکەن کەم بکرێتەوە و دوری نێوانیان لە سێ مەتر کەمتر نەبێت و کەمترین بەریەکەوتن هەبێت لە نێوانیاندا.
11-کاتی کارکردن لە سەعات (8)ی بەیانیەوە بۆ (5)ی ئێوارەیە.
12- سەرپێچیکار ڕوبەڕوی ڕێکاری یاسایی دەکرێتەوە.
رێنمایی بۆ کردنەوەی سەرتاشخانەکان لەشاری #سلێمانی#
1- تەنها ڕێگە بەو سەرتاشخانە دەدرێت لە گەڕەکەکاندان، واتە سەرتاشخانەکانی ناوبازاڕ و سەنتەری شار ناگرێتەوە.
2- پێویسته ئەو سەرتاشخانانەی دەکرێنەوە پابەندی سەرجەم مەرج و ڕێنماییەکانی کارکردن و خۆپارێزی لە ڤایرۆسی کۆرۆنا، بەکارهێنانی دەستکێش و دەمامک و سەدریه بن.
3- ڕۆژانە سێجار (بەیانیان کاتی کردنەوە، نیوەڕوان و ئێواران کاتی داخستن) دوکانەکەی بە ماددەی پاکژکردنەوە (تعقیم) خاوێن بکرێتەوە.
4- ڕێگری لە دانیشتن و کۆبونەوە بگیرێت لەدوکانەکاندا، لەسەرتاشخانەیەکدا یەک کورسی دابنرێت بۆ ئەو کەسەی سەری چاکدەکرێت و کورسی دانیشتن ومیوانداری دانەنرێت، بەپێچەوانەوە دادەخرێت.
5- پێویستە گوێزانی سەفەری بەکاربهێنرێت، شفره (کافرمان) و پەت و پاکردنەوەی دەموچاو (مەساج) ڕێگەپێنەدراوە.
6- هاوڵاتی بەپێی ئەوکاتەی سەرتاشخانەکە کاتی بۆ دادەنێت سەردانی بکات، واتە کاتەکان دیاریکراوبن.
7- پێوستە هاوڵاتی بە دەستکێش و دەمامکەوە بچنە سەرتاشخانەکان.
8- کاتی کارکردن لە سەرتاشخانەکاندا (8)ی بەیانی بۆ (5)ی ئێوارەیە.
9- تەنها ڕێگە بە بەکارهێنانی خاولی سەفەری دەدرێت.
10- پێویستە بە هەمان نرخی پێشو کاربکەن و نرخ لەسەر هاوڵاتی گران نەکەن.
11- پێویستە پاش هەر سەرچاککردنێک، ئامێر و پێداویستی بەکارهێنراو بە مادەی کحول پاکژ بکرێتەوە.
12- سەرپێچیکار ڕوبەڕوی ڕێکاری یاسایی توند دەکرێتەوە.
رێنمایی کردنەوەی دوکانی ماسی فرۆشی و شوێنەکانی برژاندنی ماسی
1- تەنها ڕێگە بەوشوێنانە دەدرێت مۆڵەتی لایەنە پەیوەندیدارەکانی هەبێت.
2- ئەو کەسانەی لەو شوێنە ئیش دەکەن، پێویستە ناسنامەی تەندروستی هەبێت و سەرجەم ڕێنماییەکانی خۆپارێزی جێبەجێ بکەن وەک بەکارهێنانی دەستکێش، کڵاو، جلوبەرگی خۆپارێزی و دەمامک.
3- پێویستە ڕۆژانە سێجار کاری پاکژکردنەوە (تعقیم) بۆ دوکانەکان بکرێت بە دەرمانی (ڤێرکۆن) لە کاتەکانی بەیانیان کاتی کردنەوەی، نیوەڕوان و ئێواران کاتی داخستن.
4- پێویستە شوێنەکەی بەردەوام کارەبای هەبێت.
5- تەنها ڕێگە بەفرۆشتنی ئەو ماسیانە دەدرێت کە سەرچاوەی کڕینی دیاربێت.
6- بەهیچ شێوەیەک نابێت کڕیار بچێتە ناو دوکانی ماسی فرۆشیەکەوە، دوکاندارەکە بەربەستێک لەبەردەم دوکانە دابنێت بۆ ڕێگری کردن.
7- لەم کاتەدا تەنها ئەو دوکانانە دەکرێتەوە لە گەڕەکەکاندایە و ئەو دوکانانەی لەسەنتەری شاردان ناکرێنەوە.
8- کەسێکی تایبەت دابنرێت بۆ وەرگرتنی پارە و پێدانی ماسی بە کڕیارەکان، واتە ئەو کەسی کاری پاکردنی ماسی و پارچەکردنی دەکات نابێت هیچ بەرکەوتنێکی لەگەڵ کڕیار هەبێت.
9- ئەو پاشماوەی لە پاکردنی ماسیەکە پەیدا دەبێت پێویستە لە سەتڵێکی تایبەت دابنرێت و بەشێوەیەکی زانستی لەناوببرێت.
10- بەهیچ شێوەیک ڕێگە نادرێت هاوڵاتی چاوەڕێی برژاندنی ماسییەکەی بکات بەڵکو تەنها بەشێوەیی دلیڤەری دەبێت.
11- کاتی کارکردن لە سەعات (8)ی بەیانیەوە بۆ (5)ی ئێوارەیە.
12- سەرپێچیکار ڕوبەڕوی ڕێکاری یاسایی دەکرێتەوە.
رێنمایی کردنەوەی شوێنی ئوتوی هەڵمی
1- تەنها ئەو شوێنانە دەگرێتەوە کەلە گەڕەکەکاندان و ناکەونە سەرنتەری شار و ناوبازاڕ
2- پێویستە پابەندی سەرجەم مەرجەکانی خۆپارێزی بێت لە ڤایرۆسی کۆرۆنا.
3- بەدەسکێش و دەمامکەوە کاربکرێت.
4- کاتی کارکردن لە سەعات (8)ی بەیانیەوە بۆ (5)ی ئێوارەیە.
5- دانانی بەربەست بۆ ڕێگری کردن لە هاتنە ژورەوەی هاوڵاتیان بۆناو شوێنەکە.
6- بەهەمان نرخ کاربکرێت و هیچ نرخێک لەسەر هاوڵاتیان زیاد نەکرێت.
7- سەرپێچیکار ڕوبەڕوی ڕێکاری یاسایی توند دەکرێتەوە.
رێنمایی بۆ کردنەوەی وەرشەی چاککردنەوەی مۆبایل و فرۆشتنی پێداویستیەکانی مۆبایل
1- تەنها ئەو شوێنانە دەگرێتەوە کەلە گەڕەکەکاندان، واتە شوێنەکانی ناو سەرنتەری شار و ناو بازاڕ ناگرێتەوە.
2- هەر شوێنێک پێداویستی مۆبایل بفرۆشێت نابێت کاری پەڕاوگە و فرترکۆپی لەگەڵ ئەنجام بدات، یان هەر کارێکی دیکە.
3- پێویستە لەیەک کاتدا تەنها کار بۆ یەک کەس بکرێت و قەرەباڵغی و کۆبونەوە نەکرێت لە شوێنەکەدا.
4- پێویستە لەکاتی کارکردندا دەستکێش و دەمامک بەکاربهێنرێت.
5- کاتێک هاوڵاتی سەردانی ئەم شوێنە دەکات پێویستە دەستکێش و دەمامکی بەکارهێنابێت.
6- کاتی کارکردن لە سەعات (8)ی بەیانیەوە بۆ (5)ی ئێوارەیە.
7- پێویستە ڕۆژانە سێجار (بەیانیان کاتی کردنەوە، نیوەڕوان و ئێواران کاتی داخستن) شوێنەکەی پاکژ (معقم) بکاتەوە.
8- سەرپێچیکار ڕوبەڕوی ڕێکاری یاسایی توند دەکرێتەوە.
رێنمایی بۆ کردنەوەی وەرشەی چاککردنەوەی سەتەلایت و داتاکردنەوە
1- تەنها ئەو شوێنانە دەگرێتەوە کەلە گەڕەکەکاندان، واتە شوێنەکانی ناو سەرنتەری شار و ناو بازاڕ ناگرێتەوە.
2- پێویستە لەیەک کاتدا تەنها کار بۆ یەک کەس بکرێت و قەرەباڵغی و کۆبونەوە نەکرێت لە شوێنەکەدا.
3- پێویستە لەکاتی کارکردندا دەستکێش و دەمامک بەکاربهێنرێت.
4- کاتێک هاوڵاتی سەردانی ئەم شوێنە دەکات پێویستە دەستکێش و دەمامکی بەکارهێنابێت.
5- کاتی کارکردن لە سەعات (8)ی بەیانیەوە بۆ (5)ی ئێوارەیە.
6- پێویستە ڕۆژانە دوجار (بەیانیان کاتی کردنەوە، ئێواران کاتی داخستن) شوێنەکەی پاکژ (معقم) بکاتەوە.
7- سەرپێچیکار ڕوبەڕوی ڕێکاری یاسایی توند دەکرێتەوە.
رێنمایی شوێنی کردنەوەی خزمەتگوزاری ئۆتۆمبێل (رۆنگۆڕ و پەنچەرچی) لە سنوری شارۆچکەی مەڵبەند
1- تەنها ئەو ڕۆنگۆڕ و پەنچەرچیانە دەگرێتەوە لەگەڕەکەکاندان، واتە ڕۆنگۆڕ و پەنچەر چییەکانی ناوبازاڕ و سەنتەری شار و ئەم شوێنانە ناگرێتەوە (سەرکارێز، سەرشەقام، ئیبراهیم پاشا و ناوچەی پیشەسازی یەک و دوو).
2- پێویستە خزمەتگوزاری تەنها بۆ یەک ئۆتۆمبێل بکرێت و خاوەنەکەی دور بوەستێت و دەستکێش و دەمامک بەکاربهێنێت.
3- پێویستە کارمەندەکان دەستکێش و دەمامک بەکاربهێنن لەکاتی کارکردندا.
4- کاتی کارکردن لەم شوێنەدا لە (8)ی بەیانی تا (5)ی ئێوارەیە.
5- سەرپێچیکار ڕوبەڕوی ڕێکاری یاسایی توند دەکرێتەوە.
رێنمایی بۆ کردنەوەی پێداویستیەکانی خانوبەرە (ئاو و کارەبا)
1- تەنها ئەو شوێنانە دەگرێتەوە کەلە گەڕەکەکاندان، واتە شوێنەکانی ناو سەرنتەری شار و ناو بازاڕ ناگرێتەوە.
2- پێویستە لەیەک کاتدا تەنها کار بۆ یەک کەس بکرێت و قەرەباڵغی و کۆبونەوە نەکرێت لە شوێنەکەدا.
3- پێویستە لەکاتی کارکردندا دەستکێش و دەمامک بەکاربهێنرێت.
4- کاتێک هاوڵاتی سەردانی ئەم شوێنە دەکات پێویستە دەستکێش و دەمامکی بەکارهێنابێت.
5- کاتی کارکردن لە سەعات (8)ی بەیانیەوە بۆ (5)ی ئێوارەیە.
6- پێویستە ڕۆژانە دوجار (بەیانیان کاتی کردنەوە، ئێواران کاتی داخستن) شوێنەکەی پاکژ (معقم) بکاتەوە.
7- سەرپێچیکار ڕوبەڕوی ڕێکاری یاسایی توند دەکرێتەوە.
#12-04-2020#