دەقی پرسەنامەکەی #نێچیرڤان بارزانی#، سەرۆکی هەرێمی کوردستان:
پرسەنامەيەک لە سەرۆکی هەرێمی کوردستانەوە
پرسە و سە ڕخۆشی لە خانەوادە و کەسوکار و هاوکارانی ڕاوێژکاری ئەنجومەنی وەزيرانی هەرێمی کوردستان خوالێخۆشبوو خاتوو #جيهان ڕەشيد سندی# دەکەم کە بە داخەوە ئەمڕۆ کتوپڕ کۆچی دوايی کرد. هاوبەشی خەم و پەژارەيانم، لە خوای مەزن داواکارم خوالێخۆشبوو بخاتە بەر بەزەيی و ميهرەبانيی خۆی و ئارامی و دڵنەواييش بە هەموو لايەکيان ببەخشێت.
خوالێخۆشبوو نموونەی کارامەيی و ڕاوێژکارێکی لێهاتووی شارەزا و خاوەن ئەزموونێکی دەوڵەمەند و دەستپێشخەر بوو کە هەميشه بە خەمخۆری و دڵسۆزانە ئەرک و کارەکانی بە ڕێکوپێکی ئەنجام داوە و جێپەنجەی بە چەندين کاری سەرکەوتووی ساڵانی ڕابردووی بواری پسپۆڕيی خۆيەوە لە ئەنجومەنی وەزيران و دامەزراوە پەيوەندارەکانی حکوومەتی هەرێمی کوردستانەوە ديارە. بێگومان کۆچی ناوادەی ئەو، بۆشايييەک جێدەهێڵێت و بۆ هەميشە لە يادی ئێمە و هاوکارانيدا دەمێنێتەوە.
نێچيرڤان بارزانی
سەرۆکی هەرێمی کوردستان
28/7/2020
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 2,502 جار هاتیە دیتن
ڕایا خو دەربارەی ڤی بابەی بنڤێسە!