واتاش پنە درەختېۋی فرە تەنیانی هیچ درەختېۋ هامسات نېیا
گیۋاۋ دۆرتەنە سۆز مەبۊ دۊختانېۋیچ سەیتەنە
نېیا
هۆرەکۍ ئاسمانو تۊ لۋێنۍ ئیتر ۋاران مەۋارۊنە
کەشۍ توڕۍ هانۍ سۊتۍ کۍ ڕازۊ ۋەرۋېت پەی کەرۊنە
ۋاتم: کەی متاۋی شەرابی تاڵ بە من بوەری؟ چن ڕازەکا وېم
ژیۋوونە
من ۋېیەردۆ ڕازەکانا بە شەرابت مەس مەبوونە!!!!!
من مەزانوو (بەش)ۊ کام ڕازۊ وېمەنا !!
ئېشو کامېن یا بە کامېشا فرە سۊتەنا !!
بەس مزانوو من وېمەنا ؛؛؛؛
مجیۆرە دلێ شەوە تاریکەکا تا ڕۊحو بېباۋەڕېۋی
ڕۊشن کەروۆ
بوو هامڕاو دۋۍ دڵدارا تا وەش بەختیشا پەی گېڵنوۆ
بوونە هۆرو بوونە ۋاران
تا درەختەکا سۆزۍ کەروۆ
بوو بەسەی پەی کېیارەکا هەتا گڕە نەبەرۊشا
بوو بە شوان پەی گەلەکا هەتا ۋەرگ نەوەرۊشا
زاڕۊڵەیی ۋەرۋېم ویرا
قەندیلەنە گېڵوو پەی یاگەپەیەکا
بوو مەچەکو ئاتاتەیە شەڕڤانەکېش
بەدیلی کۆتە دەسو جەلادەکا ...
[1]