بەرەی جوقد، کورتکراوەی (بەرەی نیشتیمانی و نەتەوەیی دیموکراسی عێراق) (الجبهة الوطنية القومية الديموقراطية العراقية) بوو.
لە 22ی تشرینی یەکەمی ساڵی 1979 لە ناوزەنگ یەکێتی لەگەڵ چەند لایەنێکدا کۆ بوویەوەو بڕیاریاندابوو کە مانگانە کۆبوونەوە بکەن و لیژنەیەک پێکبێنن بۆ دروستکردنی بەرەیەکی دیموکراتی عێراقی یەکگرتوو.
لە 25ی کانوونی دووەمی ساڵی 1979، دووەم کۆبوونەوەیان ئەنجامداو ڕایانگەیاند کە هەوڵدەدەن بۆ دامەزراندنی بەرەیەکی نیشتیمانی دیموکراتی لە حیزب و هێزو کەسایەتییە نیشتیمانی و نەتەوەییەکان لە عێراقداو ڕاشیانگەیاند بەرەکە لە پێناو ڕووخاندنی ڕژێمی بەعس و دامەزراندنی دەسەڵاتێکی ئیئتیلافی دیموکراتی دا تێدەکۆشێ.
بەرەی جوقد، لە هەریەکە لە یەکێتی نیشتیمانی و حیسک (حیزبی سۆسیالستی یەکگرتووی کوردستان) و هەرێمی سەرکردایەتی حیزبی بەعس و بزوتنەوەی سۆسیالستی عەرەبی و حیزبی شیوعی عێراقی پێکهاتبوو.
دروستکردنی بەرەی جوقد، زۆر دەرئەنجامی هەوڵی سووریا بوو لەوکاتەداو کە دەستی کردبوو بە ڕێکخستنەوەی ئۆپۆزیسیۆنی عێراقی بە ئامانجی ڕووخانی ڕژێمی بەعس.