لەم ژیانە
ئەچیتە هەر کوچەیەک
هەر گوێت لە دەنگی گریانە
لەوەتەی هەیە ئەم شارە
بە ئازارە
دڵی هیچ کەس ئارام نییە
هیچ دۆستێ بێ مەرام نییە
کوانێ ئێستا باوی گوڵە
هەرکەس ئەگری کین لە دڵە
عەشق و جوانی کوانێ ماوە
دڵە پاکەکەی جارانمان
لە ڕابردوو بەجێماوە
لەم مەملەکەتە شێواوە
جوانییەک نادۆزیتەوە
بە تەنها تۆیت
پێکەنین دەبەخشیتەوە
چەند پێکەنینت پێداوین
هێندە ڕۆژ لە تەمەنمان
قەرزاری تۆین وەک پێزانین
تکام لەخوای میهرەبانە
هەمیشە دڵخۆشبیت لە ژین
بەدەست منبێ پەیکەری تۆ
لە بەرزترین شوێنی شار
کە ئاسانبێ بۆ تێڕوانین
دای ئەنێم و ناوی ئەنێم
سومبوڵی جوانی و پێکەنین
مازیار فایەق
بۆ ماهیر حەسەن
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 1,369 جار هاتیە دیتن
ڕایا خو دەربارەی ڤی بابەی بنڤێسە!