مەسعود بارزانی لە پەیامێکدا ئیدانەی شەهیدکردنی خانەوادەی دارا ڕەئوفی کرد و سەرخۆشی لە کەس و کارەکەی کرد.
دەقی پەیامی مەسعود بارزانی:
بەناوی خودای بەخشندە و میهرەبان
زۆر بە داخەوە هاووڵاتی دارا ڕەئوف کە کوردی دانیشتووی شاری بەغدا بووە خۆی و خێزان و کچەکەی بە شێوەیەکی دڕندانە لە بەغدا شەهید کران. وێڕای ئەوەی بە توندی ئیدانەی ئەو تاوانە دەکەم سەرەخۆشی لە بنەماڵە و کەسوکاری دارا ڕەئوف دەکەم. هەروەها دەستخۆشی لە هەوڵ و ماندووبوونی دەزگا ئەمنییەکانی شاری هەولێر دەکەم، کە توانیان خێرا تاوانباری سەرەکیی ئەم تاوانە ئاشکرا بکەن و دەستگیری بکەن.
مسعود بارزانی
16ی ئەیلوولی 2020[1]