بناغەی خێزان یان بناغەی شەقام و یاریگا ؟؟؟
دوو تاس و یەک حەمام
تاسی یەکەم :
براگەورەو مامە شێخ
(مەسرور و لاهور) لە مونافەسەی یەکا بناغەی شەقام و یاریگا دائەنێن، داهاتێکی بێ شومار خەرج ئەکەن بەمەبەستی خزمەتکردنی شار و خەڵک و ئاوەدانکردنەوەی کوردستان، ئەگەر ئەم وەزعی ئابوریەی ئێستا نەبێت (کە تەوقیتی بناغە دانانەکە گونجاو نیە) بەش بەحاڵی خۆم بەکارێکی زۆر باشی ئەزانم و هیوای سەرکەوتنیان بۆ ئەخوازم، مونافەسە هەمیشە کاری باشتر ئەخوڵقێنێ...
تاسی دووەم..
لەژێر فەرمانڕەوایی ئەو دوو زاتە زل و زەبەلاحەو حیزبەکانیاندا بەهۆی بێ کاری و بێ موچەیی و سفر بونەوەی باری ئابوری و خراپی گوزەرانیانەوە بناغەی صەدان خێزان هەڵوەشاوەتەوە،
بناغەی صەدان کار و پرۆژەو کەسابەت هەڵتەکاوە،
هەزاران خاوەن کار مایە پوچ بون و بازاڕ و دوکانەکانیان قفڵ لێدرا ، دەیان هەزار دەرچوی پەیمانگاو زانکۆکان لەچاوەڕوانی دامەزراندنیانا خەمۆکی پیری کردون،
ڕێژەی تەڵاق ساڵ بەساڵ لەبەرزی دایە، ڕێژەی کۆچی گەنجان و بەجێهێشتنی نیشتیمان بۆتە دیاردە، پرۆسەی پیرۆزی زەواج شکستی پێهێنراوە،
کەرتی پەروەردەو تەندروستی بۆتە بازرگانی و قۆڵبڕین و پارەکێشانەوە لە هەژار و کەمدەستان.... الی اخرە،
ئەو جۆرە لەحوکمڕانی لای شێتێکیش ڕەفز کراو و قێزەونە هەردو هەڤاڵان و هەردوو حیزبیان زۆر باش ئەزانن ئەوە مایەی قبوڵ کردن نیەو لەهەر دەرفەتێکا خەڵک بەتوندترین شێوە ڕووبەڕویان ئەبنەوە و تۆڵەی تێکدانی بناغەی خێزان و کار و خەونەکانیان و هەموو خەم و بێزاری و نەبونیەکانیان لێ ئەکرێتەوە، شتی وا لەدنیایا ڕوی نەداوە دەسەڵات ئەوەنە ستەمکار بوبێت و تێک نەشکێنرابێت....
یەک حەمام.
مناڵێک لەگەڵ باوکی ئەچێت بۆ حەمام، مناڵە قاچی لەکاشیەکی لوس هەڵەخلیسکێ و دەست ئەگرێ بەطوطی باوکیەوەو خۆی ئەگرێتەوە، باوکی پێی ئەڵێ ڕۆڵەگیان لەگەڵ دایکتا بویتایە ئێستا ملت شکا بوو،
بەبیلاهی ئەو عێراقە عەزیمە نەبێت دەست بە طوطیەوە بگرین دەمێک بوو لەبێ موچەییا ملمان شکا بوو، ئەمانەی خۆمان هیچیان پێوە نەماوەو ساف و لوس و خز بونەتەوە، ساف لەویژدان و لوس لەحوکمڕانی و خز لە خۆشەویستی خەڵک...
بەرزان ئەیوب، سلێمانی[1]
تاقەتم نەبوو ئەدەبیات بدەم بەنوسینەکە،
دامەنیشن بەخێر، هەستن بابە گەنج لەدهۆکا نەما کۆچی هەزارانیان دەست پێکردوە بەرەو ئەوروپا...
وێنەکەش لەعانی جێ بەجێکردنی ئەوامیری ژنی یەکەما گیراوە، سەری تیپەکەم بە پێنج دەقە بۆ دۆزرایەوە، بەخوا ئیزعاجە سەرەکەی هەتا ئەیدۆزیتەوە دڵت ئەتەقێ