نه کەری سەرمۆردیان، نە ژنی بۆگدییان
سەرمۆرد: گوندێکە لە بناری چیای(سارا) و کەوتۆتە نێوان(پیرەمەگرون و سارا) لە شارۆچکەی(دوکان) دەکەوێتە پشتی گوندی(قەمچوغە) لەلاپاڵێکی ڕک و سەختدایە و ڕێگای سەرکەوتنی بزنە ڕێ و دژوار و کۆرانی تەنگەبەری کۆرەڕێیە، کاتێک گوێدرێژەکان بە بارەوە سەردەکەون، ئارەقی شین و مۆر دەکەنەوە و داو و تەشکەریان تەڕ دەبێت و نەقیزەی زۆریان دەوێت چونکە ڕێگایان هەورازه، باریان لابار دەبێت و زۆر ماندوو دەبن، کەس بە حاڵیان نەبێت، بۆگد: گوندێکە لە کەنار زێی بچووک لە دەشتی کۆیە، لەرووی کارگێڕییەوە سەر بە شارەدێی(ئاشتی)یە، خەڵکی ئه و ئاواییە زۆر کاسبن بەتایبەت ژنانیان شان بەشانی برا و باوک و هاوسەرەکانیان هەموو کارەکانی کێڵگە و کشتیاری و وەرزێری و ژنی لادێ ئەنجام دەدەن وەکو(دروێنەکردن و تێلەکێشی و شەنە کردن و جووتکردن و کەستەک شکاندن و دۆریخە و دێراو هەڵدانەوە و گۆڵ دروستکردنی بەراو و خشت بڕین و قوڕکاری و توتن و پەلک لێدان و گەڵاجاڕ و توتن خستنە زاخە و گونیەوە هەندێجار ژنەکان لە ماوەی وەرزی توتن تا(25) فەردە تونیان کردووە، جگە لە کاروباری ناوماڵ و ماڵین و کۆراو و شوشتن و سەراو و ئاوکێشان و منداڵ بەخێوکردن و مێوان بەڕێکردن) هەموو ئەمانە ژنە بۆگدییان زۆر ماندوو و شەکەت دەکات و کەس خۆزگەیان بۆ ناخوازێت، بۆیە ئەوە بووە بە ئیدیۆم و دەوترێت: نەکەری سەرمۆردیان، نە ژنی بۆگدییان.[1]
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 1,195 جار هاتیە دیتن
ڕایا خو دەربارەی ڤی بابەی بنڤێسە!