دەقی پیرۆزباییەکەی #قوباد تاڵەبانی#:
بە ڕێزان سەرنوسەر و ڕۆژنامەنوس و کارمەندانی کەناڵی المرصد
ئەمڕۆ بەشانازییەوە لەتەمەنی بیست و هەشت ساڵەی ئەم کەناڵە عەرەبییە گرنگەی ڕاگەیاندنی #یەکێتیی نیشتمانیی کوردستان# دەڕوانین، بەم بۆنەیەوە گەرمترین پیرۆزباییتان لێ دەکەین و هیوادارین گۆڤاری المرصد و سایتەکەی لە وەرزی دووەمی الانصات المرکزی زیاتر بەرەوپێش بچێت و هەمووکات بدرەوشێتەوە لەئاسمانی داهێنانی میدیایی دا.
پیشەیی بوون لەگواستنەوەی هەواڵ و ڕووداوەکان و دۆسیە و لێکۆڵینەوەکان و جددی بوون و بەرپرسیارێتی وایکردووە ئەم کەناڵە ببێتە سەکۆیەکی میدیایی گرنگ و جێ متمانە، لەم وەرزەی تەمەنیشیدا و بەهۆی بەدواداچوونە بەردەوامەکانیەوە لەوێبسایت و سۆشیال میدیاوە، بۆتە پێگەیەکی گرنگ و چاوی زۆرێک لەسیاسەتمەدار و نوسەر و ڕۆشنفکر و هونەرمەندانی لەسەرە.
بۆ ئێوەی سەرنوسەر و میدیاکارانی بەئەمەکی ئەم دامەزراوە میدیاییە، هیوای سەرکەوتن و پێشکەوتنی زیاترتان بۆ دەخوازم.
قوباد تاڵەبانی
سەرپەرشتیاری مەکتەبی سکرتاریەتی سەرۆک #مام جەلال#[1]
⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!