بار بەلای بێ دەسەڵاتدا ئەکەوێ
وتراویشە: بەڕە لە تەنکیەوە دەدڕێت، هەڵبەت باریش کە خراوەتە سەر پشتی وڵاغەبەرزە یان گوێدرێژ هەر بە گوریس و پەتک و داوەوە گرێدراوە، ئه و گوریسەی پەتەیە ئەگەری پسانی زۆرترە و بارەکە به و لایەدا خوار دەبێت و دەبێتە لابار(بار بەلاباران، ناگاتە هەواران) ئیتر ماوەیەکی کەم ئه و بارە ڕێ دەکات و بەلای گوریسی پەتەوە دەکەوێت، ئەوە مانا ڕاستەقینەکەی ئیدیۆمەکەیە، وەکو خواستن و لێکچواندن خەڵکی کەم دەست و دەست کورت بەبێ دەسەڵات دانراوە وەکو توانای گوریسە پەتەکە، بۆیە وتراوە: بار بەلای بێ دەسەڵاتدا ئەکەوێ، کێشە و گرفتێک لە نێوان نەدار و دەوڵەمەندێکدا ڕووبدات، زۆرتر لەسەر هەژارەکە دەکەوێت وەکو لە خواپێداوەکە.[1]
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 314 جار هاتیە دیتن