بووکەکەمان زۆر جوانە، بالوکەی لە لێوانه
بووک: کیژێکە تازە مارە کرابێ و بە شوو درا بێت، لە سەروبەندی دەزگیرانی و گواستنەوە و زەماوەندیدا هەر بووکە، لە ناو کۆمەڵگای کوردیدا تا درەنگانێک کە کوڕ و کچیشیان پاچەڵە و گەورە دەبێت هەر دەڵێن: بووکی حاجی خدری یان بووکی پوور ئایشێ، بالوکە یان بالووک یان بالوویک: گرێیەکی بچکۆڵانەیە لە جەستەی گیانداران پەیدا دەبێت، لە دەست و قاچ و دەم و لێوی مرۆڤیش دێت، له و ئیدیۆمەدا بووک و بالووکە ڕۆشناییان خراوەتە سەر: بووک جوانییە و بالووکەش ناڕێکییه، بەتایبەت کە لە شوێنێکی دیاری وەکو دەم و لێو بێت، ئه و ئیدیۆمە بەکاردەهێنرێت بۆ کەسێک یان کارێک کە لە هەموو بوارەکەوه لێهاتوو نەبێت، بەڵکو خاوەنی پەڵە و هەڵەشەیی و نەنگیی و خاڵی خراپ و ناشیرینیش بێت، بەتەوسەوە وتراوە: بووکەکەمان زۆر جوانە، بالووکەی لە لێوانە.[1]