دەقی پرسەنامەکەی مەکتەبی سیاسیی #یەکێتیی نیشتمانیی کوردستان#:
بەداخەوە هەواڵی کۆچی دوایی نووسەر و وەرگێر و زمانزان (دکتۆر عەزیز گەردی)یمان پێگەیشت، بەم بۆنە خەمناکەوە پرسە و هاوخەمی خۆمان ئاراستەی کەس و کارو خانەوادەکەی دەکەین، بەکۆچی دوایی ئەم وەرگێر و نووسەرە، قەڵەمێکی بەبرشت و زمانزانێکی گەورەمان لەدەستدا.
مامۆستا عەزیز گەردی کۆچکردوو، لەماوەی تەمەنی خەرمانێک بەرهەم و پەرتوکی ناوازەی خستە ناو کتێبخانەی کوردی، ڕۆڵی گەورەی بینیوە لە پەرەپێدانی زمانی کوردی و ڕەوانبێژی و هۆشیاری و ناساندنی ئەدەبی کوردی بە زمانەکانی تر.
هاوخەمی خۆشمان بۆ ناوەندی ڕۆشنبیرانی کوردی دەردەبڕین، داواکارین لەخودای گەورە گیانی پاکی بەبەهەشت شاد بکات و ئارامی و سەبوری هەموو لایەک بدات.
مەکتەبی سیاسی
یەکێتیی نیشتیمانی کوردستان
6 حوزەیرانی 2022 [1]
⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!