DÎROK Navîn 2
16.01.2022
AMADEKAR
Egîd Nasiro
Mihemed Elî

LÊVEGER
Remezan Hemo
Rewendoz Zeynel

Hz. Birahîm weke bapîrê olên yekxwedayî, tê pejirandin û şoreşgerekî tund (radikal) e. Li Rihayê ji dayîk bûye û bi kiryara xwe, derbeyên gelekî mezin lipergalên Sumer û Misriyan daye. Van pergalan nûneriya şaristaniyên navendî yên dema xwe kirine. Girêdayî pergala Sumer-Babil, li Rihayê sazûmaniya Nemrûd (Qral-Xweda) hebû. Li hemberî nûnerê şaristaniya navendî ya li herêma Nemrûd, di bin pêşengiya Hz. Birahîm de têkoşîn hat meşandin. Ev têkoşîn, hem li ser bingeheke etnîsîteyê, hem jî di çarçoveya kevneşopiya pêxemberan de pêk hat. Di encama vê têkoşînê de pûtên (senem) ku nûneriya zihniyeta pergala Qral-Xweda dikir, hatin şkandin. Ji ber vê yekê, Hz. Birahîm bi mencenîqê avêtin nava agir û nema karîbû li Rihayê bijî Divê mirov têkoşîna ku Hz. Birahîm bi rê ve biriye, di çend sergotaran de bigire dest.[1]