سندۆڵ
دەزگایەکی کەلەپووری کوردییە، بۆ کوتانی گەنم و جۆ و دانەوێلە بەکاردێ. لە دیرۆکی مرۆڤایەتیدا بۆ یەکەم جار لە سەرزەمینی کوردستان لە گوندەکانی (بێستان سوور لە شارەزوور و چەرمۆ لە چەمچەماڵ) کشتوکاڵ کرا. مێژووی درووستبوونی سندۆڵ بۆ سەردەمی شۆڕشی کشتوکاڵی و دۆزینەوە و چاندنی دانەوێڵە دەگەڕیتەوە. ئامێری سندۆڵ لە زوربەی گوندەکانی کوردستاندا بوونی هەیە. لە فەرهەنگی کوردیدا، بەپێی ناوچەکان ئەم ناوانەی هەیە:
(سندۆڵ و بەردەسندۆڵ، جۆنی و بەردە جۆنی، دنگ و بەردە دنگ، دنگ و میل، هاون و دەست هاون، دۆڵ و مستوو، بەکرمانجیش پێی دەوترێ ژاو و ڕۆ) . وەستایانی کارساز و دەستڕەنگین، سندۆڵیان لە جۆرە بەردێکی پتەو و سەخت درووستکردووە کە لێی هەڵناوەرێ و ورد نابێ.
سندۆڵ لە دوو بەش پێکدێ:
بەشێکیان پێی دەوترێ سندۆڵ: بەردێکی سەختی تەختی قوورسە، ناوەڕاستەکەی قوڵ کراوە، پێنج شەش مست دانەوێڵە دەگرێ. بەشەکەی تریان پێی دەوترێ بەردە سندۆڵ: بەردێکی لوولەکی ڕەقی پتەوی لوسە، بە زۆری لە قەراغی چەم و ڕووبارەکاندا بوونی هەیە، نزیکەی دوو بست درێژە و پڕ بە لەپی دەستە، بۆ کوتانی دانەوێڵە بەکاردێ. لەگەڵ بەرەوپێشچوونی شۆڕشی کشتوکاڵیدا، لە هەندێک ناوچەی کوردەواردا، جۆرێکی تر سندۆڵ بەرهەم هات کە ئاویزان کرا بە ئاشی ئاوەوە، لەگەڵ چەرخی ئاوگەڕی ئاشەکەدا هەڵدەسووڕێ و دانەوێلە دەکوتێ. [1]
ئامادەکردنی: ڕێبوار جەمال سەگرمە
بو دیتنا ڤیدیۆیێ کلیک بکە ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 1,956 جار هاتیە دیتن
ڕایا خو دەربارەی ڤی بابەی بنڤێسە!