کۆنسولا ئەلمانيا ل ئستانبولێ تايبەت بۆ ڕۆژناما ئەڤرۆ ڕاگەهاند کو وەلاتێ وان دەست ب هاريکاريا هەرێما کوردستانێ کريە و د بەرنامێ حوکمەتێ دايە د وارێن سەربازي‮ ‬و هاريکاريا مرۆڤي‮ ‬دا هەڤکاريا خوە ب هەرێما کوردستانێ ڕا بەردەوام بکەت و بۆ ئەلمانيا گرنگە کو هەرێما کوردستانێ و عيراقێ ژ تيرۆرستان بهێتە پاقژکرن‮.‬
يوتتا فۆلکە کۆنسولا ئەلمانيا ل باژێرێ ئستەنبول‮ ‬يێ تورکيا ل سەر پەيوەنديێن ئەلمانيا ل گەل هەرێما کوردستانێ و چاوانيا هەڤکاريا د ناڤبەرا هەردو ئاليان و شاندنا چەکێن گران و هاريکاريێن مرۆڤي‮ ‬دا داخۆيانيێن گرنگ دانە ڕۆژناما ئەڤرۆ و ل سەر پەيوەنديێن وەلاتێ خوە ل گەل هەرێما کوردستانێ‮ ‬يوتتا فۆلکە ديار کر کو‮ ‬پەيوەنديێن وان ل گەل هەرێما کوردستانێ د ئاستەکي‮ ‬بلند دانە و ئه و گرنگيەکا مەزن ددەنە ئارامي‮ ‬و ئازاديا هەرێما کوردستانا عيراقێ‮ ‬و گۆت‮:‬‮ »‬د ڕەوشا نها دا کۆنسۆلخانەيا مە ل باژێرێ هەولێرێ پايتەختێ هەرێما کوردستانێ هەيە و د وارێ سياسي‮ ‬و ئابووري‮ ‬دا پەيوەنديێن مەد باشن و ئەز باوەر دکەم دێ ڕۆژ ب ڕۆژێ ژي‮ ‬ئه و پەيوەندي‮ ‬گەشتر بن،‮ ‬ژ بەر کو ئەم گرنگيێ ددەنە ئازادي‮ ‬و ئاراميا هەرێما کوردستانێ و ئەم نەشێين ڕۆلێ تەماشەڤانان د هێرشێن ل هەمبەر کوردان دا بگێرين و مە دەست ب شاندنا چەکێن گران بۆ شەرێ تيرۆرا داعشێ کريە و دێ چەکێن گەلەک پێشکەڤتي‮ ‬يێن دي‮ ‬ژي‮ ‬هێنە شاندن و هەتا تيرۆرست وەک گەف ل هەمبەر کوردان ل هەرێمێ بمينيت دێ هەڤکاريا مە‮ ‬يا سەربازي‮ ‬ژي‮ ‬زێدەتر بيت‮«.‬
کۆنسۆلا ئەلمانيا ل ئستەنبولێ سەبارەت ب ڕەخنەيێن بێدەنگيا ئێکەتيا ئورۆپا ل هەمبەر ڕێکخستنا تيرۆرست‮ ‬يا داعشێ ژي‮ ‬راگەهاند کو‮ ‬ئه و ڕەخنە نە ڕاستن‮ ‬و گۆت‮:‬‮ »‬ژ بەر کو ژ ڕۆژا دەستپێکێ‮ ‬يا هێرشێن داعشێ مە هەم ب داخۆياني‮ ‬و هەم ژي‮ ‬ب بريارەکا دروست ڕاگەهاند کو ئەم ل گەل کوردانين و دێ هاريکاريا سەربازي‮ ‬و مرۆڤي‮ ‬بۆ هەرێما کوردستانێ شينين و ئەڤرۆ ژي‮ ‬مە ب کرياري‮ ‬سۆزێن خوە بجيه ئيناينە و ئەم دێ هبەردەوام بين د هاريکاريێن خوە دا،‮ ‬دڤێت بهێتە زانين ئێکەتيا ئورۆپا هەر دەم ل گەل ديمۆکراسي،‮ ‬ئاشتي،‮ ‬ئارامي‮ ‬و ئازاديان بوويە و بۆ ژناڤبرنا تيرۆر و تيرۆرستان ژي‮ ‬خوەدان هەلويستە و د خەباتا ل هەمبەر تيرۆرستان دا خوە نەدايە پاش و هەتا هەرێم ئارام بيت ژي‮ ‬دێ د شەرێ ل دژي‮ ‬تيرۆرێ دا ل گەل کوردان جهێ خوە بگريت‮«.‬
ل سەر پرسيارا ئاگاهيا هەوە ژ پەنابەرێن کوردێن ئێزدي‮ ‬و کوردێن ڕۆژئاڤا و عەرەب و مەسيحيێن کو ژ دەڤەرێن شەري‮ ‬يێن عيراقێ و سووريێ هاتينە هەرێما کوردستانێ،‮ ‬کۆنسۆلا ئەلمانيا ديار کر ئه و ژ ڕەوشا پەنابەران ئاگاهدارن‮ ‬و گۆت‮:‬‮ »‬حوکمەتا مە بەردەوام ل گەل ئاليێن پەيوەنديدار‮ ‬يێن هەرێما کوردستانێ و عيراقێ و سازيا پەنابەران‮ ‬يا سەر ب نەتەوێن‮ ‬يەکگرتي‮ ‬و کۆنسۆلێ مە ل هەولێرێ و بەغدايێ د ناڤ دانوستاندن و پەيوەنديان دايە و ڕۆژ ب ڕۆژ ئاگاهيان وەردگرين،‮ ‬ژ بەر ڤێ‮ ‬يەکێ ژي‮ ‬ئەم دخوازين نە ب تنێ هاريکاريا سەربازي‮ ‬بەلکو هاريکاريا مرۆڤي‮ ‬ژي‮ ‬بگەهينە هەرێما کوردستانێ و عيراقێ و د وي‮ ‬واري‮ ‬دا بارێن ل سەر حوکمەتا کوردان کێمتر بکەين‮«.‬
ل سەر شەرێ پێشمەرگەيێن کوردستانێ ل هەمبەر داعشێ ژي‮ ‬يوتتا فۆلکە ڕاگەهاند‮ ‬ئه و وەسا دبينيت پشتي‮ ‬کو چەکێن گران گەهشتنە دەستێ هێزێن پێشمەرگە ئێدي‮ ‬تيرۆرست نەشێن ئاخا کوردان و عيراقێ داگير بکەن‮ ‬و گۆت‮:‬‮ »‬ئەمريکا ب ڕێيا هێزێن ئاسماني‮ ‬بنگەهێن داعشێ بۆمبەباران دکەت و هێزێن کوردان ژي‮ ‬ئه و هێزا وان هەيە کو ژ ئەردي‮ ‬ڤە تيرۆرستان ژناڤ ببەن و ژ خوە بۆ ڤێ ئارمانجێ ژي‮ ‬وەلاتێ مە بەريا کو ل پەرلەماني‮ ‬بريارا شاندنا چەکێن پێشکەڤتي‮ ‬و‮ ‬يێن گران بۆ هەرێما کوردستانێ وەربگريت دا کو دەرەنگ نەمينن چەک شاندن و ل دووڤ زانياريێن ل بەر دەستێن مە هێزێن کوردان ڕۆژ ب ڕۆژێ دربێن کوژەک تيرۆرستان ل ددەن و وان ژ ئاخا خوە دەردخينن‮.‬
د دووماهيا ئاخڤتنا خوە دا ژي‮ ‬کۆنسۆلا ئەلمانيا ديار کر کو‮ ‬ژ بەر ڕەوشا نە ئارام و ئالۆزيێن کو ل ليبيا،‮ ‬سودان،‮ ‬يەمەن،‮ ‬سووريێ و نيجێريا و هژمارەک وەلاتێن دي‮ ‬هەنە ڕێکخستنێن تيرۆرست بنگەهێن خوە بهێز کرنێ پەيدا کرينە‮ ‬و گۆت‮:‬‮ »‬بۆ ژناڤبرنا تيرۆرێ پێدڤي‮ ‬ب خەباتەکا بەرفرەه‮ ‬يا جيهاني‮ ‬هەيە و دڤێت ئەو‮ ‬يەک دەرەنگ ژي‮ ‬نەمينيت،‮ ‬ديسان ل دووڤ هزرا من هەکە جيهانا مە بشێت ب ڕەنگەکي‮ ‬لەز ديمۆکراسيێ ل ڕۆژهەلاتا ناڤين بجه بکەت دێ بنگەهێ ب هێزبوونا‮ ‬رێکخستنێن تيرۆرست ژي‮ ‬نەمينيت و ڕێکا شەرێن تايفي‮ ‬و مەزهەبي‮ ‬و ژي‮ ‬لاواز بيت،‮ ‬ژ بەر ڤێ چەندێ ژناڤبرنا داعشێ ل هەرێما کوردستانێ،‮ ‬عيراقێ و سووريێ گەلەک گرنگە و ئەز وەسا دبينم‮ ‬يەکگرتنەکا ب هێز ل هەمبەر تيرۆرێ د جيهانێ دا دروست دبيت‮«.‬[1]