ناو: ئالی خانی
نازناو: مەمێ
$ژیاننامە$
مامۆستا (Alî Xanî Memê - ئالی خانی مەمێ)
دانەری پەڕتووکی قوتابخانە کوردییەکانی ئەرمەنستان
نووسەر و شاعیر و ڕۆژنامەوان پسپۆری زمانەوانی و سەرۆکی یەکێتی نووسەرانی کوردی ئەرمەنستان و سەرنووسەری ڕۆژنامەی (کوردی-ئەرمەنی بەناوی زاگرۆس).
یەکێک بووە لە کەسە دڵسۆزەکانی کورد و دوای هەوڵێکی زۆر چەندین پەڕتووکی زمان و فێربوونی کوردی بۆ خوێندکارانی کوردی دەوروبەری یەریڤان و تەواوی کوردانی ئەرمەنستان داناوە و بەشێوەیەکی زانستی و ئەکادیمی و بە سوود وەرگرتن لە هەموو سەرچاوە کوردییەکان و بەکارهێنانی لە پەڕتووکاندا و بە شێوەیەکی هونەری و بە دیزاین و ڕەچاوکردنی ئاستی منداڵانی کورد و بە جوانترین وێنەی جۆراوجۆر و گوزارشت کردن لە هەر چوار پارچەی کوردستان و لە بواری میژوو و ئەدەب و هونەر و چیرۆک و شۆرش و سەرکردەکانی کورد و زانایان و شاعیرانی کورد و سروشتی کوردستان لە پەڕتووکەکاندا گوزارشت کراوە و هەزاران دانە لە پەرتووکە لە لایەن وەزارەتی پەروەرده و فێرکردنی ئەو وڵاتە چاپکراون، سەرەڕای ئەوەی هێشتا پێویستی بە هاوکاری خێرخواز و حکومەتی هەرێمی کوردستان هەیە بۆ ئەوەی قوتابییان و خوێندکارانی کورد لەو وڵاتەدا پەرە بە زمانی زگماکی کوردی بدەن.
شیاوی ئاماژەپێدانە بە شێوەیەکی فەرمی ئەو پەڕتووکانە لە ئەرمەنستان منداڵان و خویندکارنی کورد دەیخوێنن و بەشێوەی زاراوەی لاتینی چاپکراوە. [1]