داستانۊ شېخی سەنعانی
بەشۍ چواردەهەمە
موریدەکۍ شېخی سەنعانی هەر خەریکۍ موچیاری کەردەیشەنۍ، ئاڎیۍ گەرەکشانە هەرنۊع بیەن شېخی باراوە سەروو ڕێ ڕاسۍ، گېڵناشۆ پەی سەرو دینو محەمەدی(ص). باسو گلېرۆبیەکاو سوفی و موریدەکاش کەران، باس جە تەرسەو خوڎای و لۊمەو خەڵکیش پەی کەران.
کۊن زیکر و تەوحید، کۊن تەسبیحاتت
کۊن ئەڵڵا ئەڵڵا، سۊزی نمازت
کۊن یاهو یاهو، سوزی سەڵاتت
کۊن وادەی تەکبیر، وەقتی نمازت
کۊن وېرد و ئەوراد، هەردە جارانت
کۊن دەس بە دۊعا، چەنی یارانت
خوفی عەرەسات، مەردەن نییەن پېت
ئەی شېخی کامڵ، فیکرێ کەر پەی وېت
دنیا فانییەن، سوود نەدارۊ پېت
خوفێ کەر جە هەق، مردن ها نە ڕېت
چە نیسبەت دارۊ، بە تۊ، عیشی یار
عەیبەن پەرێ تۊ، ئەی شېخی سالار
عیشقی هەقق خاسەن، نە دەروونت بۊ
نە هەردوو نیا، ڕەهنموونت بۊ
جە عیشقی تەرسای مەستی مەی پەرست
پەرێ دییەن یار، خوداش شۊ نە دەست.[1]